बलम्बुइ कन्हे धिकं जात्राया लिसें महालक्ष्मी व गणेश जात्रा

 

ने सं ११३९ कछला थ्वः अष्टमी येँ

रेखा शाक्य

दँय्दसं कार्तिक अर्थात कछलाथ्व अष्टमी खुन्हु निसें दशमी तक बलम्बुइ तःजिक जात्रा जुइ ।  महालक्ष्मी द्यःगः दूगु थासं च्वये च्वंगु लाछि लागां शुरु जुइगु थुगु जात्राय् महालक्ष्मीया तःधंगु खः या नापं चिधंगु गणेद्यःया खः नं जात्रा जुइगु खः ।

किपाः रेखा शाक्य

बलम्बुइ महालक्ष्मी जात्रा याये न्ह्यः धिकं द्यःया जात्रा नी याइगु चलन दु । सिजःया चाकलाःगु थल गुकिइयात धकिं धायेगु याः । उकिइ कुमारीया ख्वाःपाया जक मूर्ति तयाः देय थकालिपिन्स ज्वना हइगु खः । अष्टमीया न्हि खुन्हू छ्वयला भू याना जात्रा न्ह्याइगु खःसा नवमी खुन्हु मू जात्रा याइ ।

किपाः रेखा शाक्य

बलम्बुया मूल जात्रा महालक्ष्मी जात्रा धकाः बयबय जुया च्वंगु खःसां धिंक जात्रा मजुइकं महालक्ष्मी द्यःया जात्रा शुरु जुइमखु । नवमी खुन्हु बहनी महालक्ष्मी देगः लागाये ज्यापुतयेगु दुवाःगुथिं धकिइ कुमारी तया पुजा याये धुंका देगः स्वचा चाहुइका विधिवत रुपं न्ह्याइ ।

https://www.facebook.com/rajendra.manandhar.7906

अन लिपा तिनी महालक्ष्मी व गणेशया जात्रा जुइगु खः । महालक्ष्मीया तःधंगु खतय् अष्यटमातृका समस्ति रुप कथं महालक्ष्मीयात बिज्याका तइगु खः ।

किपाः रेखा शाक्य

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.