फ्रान्स व बेल्जियम सेमिफाइनलय्

११३८ तछला गाः नवमि

विश्वकप २०१८ अन्तर्गत म्हिगः क्वाटर फाइनलया निगू कासा क्वचाःगु दु । न्हापांगु कासाय् फ्रान्सं उरुग्वेयात व बेल्जियमं न्याक्वः तक उपाधि त्याके धुंकुगु ब्राजील यात बुकाः सेमिफाइनलय् थ्यंगु दु । आः वइगु मंगलबाः फ्रान्स व बेल्जियम दथुइ फाइनलय् वनेगु लागि धेँधेँ बल्ला जुइ ।

किपाः रियुटर्स

म्हिगः क्वचाःगु न्हापांगु कासाय् फ्रान्सं उरुग्वेयात २–० गोलं बुकुगु दु । दिपा न्ह्यः फ्रान्सया ग्रेन्जम्यानं थ्वाःगु फ्रि किकय् राफेल भेरानं हेड यानाः ४० औं मिनेटय् न्हापांगु गोल याःगु खःसा दिपा लिपा ग्रेन्जम्यानं ६१ औं मिनेटय् निगूगु गोल याःगु खः, गुगु गोल उरुग्वेया अनुभवि गोलकिपरं द्वंकुगु खनेदु । डि एरिया पिनें थ्वाःगु सट पञ्च याना पनेत स्वसां बल बिस्तारं गोल जुगु खः ।

किपाः रियुटर्स

अथेहे म्हिगः हें क्वचाःगु मेगु कासाय् बेल्जियमंं ब्राजिलयात २–१ गोलं बुकुगु दु । १३ औं मिनेटय् सुसाइड गोल जुया बेल्जियमं अग्रता काःगु खः । अनलिं ३१ औं मिनेटय् डि बु्रनं गोल यानाः कासाय् बेल्जियमं २–० या अग्रता काल । दिपा लिपा ब्राजिलया अगुस्टों १ गोल यानाः कासाया अन्तर २–१ यासां अन्तिम ई तकया ब्राजिलया प्रयास सफल मजुल । ब्राजिलयात ५५ दँ लिपा बेल्जियमं बुकुगु दु । न्हापांगु खुसिइं सन् १९६३ या फ्रेण्डली म्याचय् बुकुगु खः । अथेहे ब्राजिल सन् २००६, २०१०, २०१४ व २०१८ य् प्यक्वलं युरोपियन टिम पाखें विश्वकपं बिदा जुइ माःगु दु ।

थौंया कासा स्वीडेन विरुद्ध इंग्ल्याण्ड ७ः४५ ताःइलय् व आयोजक रसिया विरुद्ध क्रोयसिया ११ः४५ ताःइलय् जुइ ।

Share this...
Share on Facebook
Facebook
Tweet about this on Twitter
Twitter

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.