फ्रान्स विश्वकप २०१८ या फाइनलय्

११३८ तछला गाः त्रयोदशी

विश्वकप २०१८ अन्तर्गत म्हिगः चान्हय् जुगु न्हापांगु सेमिफाइनल कासाय् फ्रान्सं बेल्जियमयात १–० गोलं बुकाः फाइनलय् थ्यंगु दु । दिपा तक बराबरी न्ह्यानाच्वंगु कासाय् दिपा लिपा ५१ औं मिनेटय् ग्रिन्जम्यानं थ्वागु कर्नर किकय् सामुयल उमिटिं हेड गोल याःगु खः । आइतबाः फाइनलय् इंग्ल्याण्ड वा क्रोयसिया सु नाप म्हिति थौ थुपि दथुई जुइगु लिपांगु सेमिफाइनल कासां क्वछि ।

किपाः रियुटर्स

न्ह्यानाच्वंंगु विश्वकपय् फ्रान्सया फाइनल तकया यात्राय् बुगु मदुनी । लिग चरणय् अष्ट्रेलियात २–१ गोलं, पेरुयात १–० गोलं बुकुगु खसा डेनमार्क नाप गोलरहित बराबरी क्वचासें नकआउटय् थ्यंगु खः । नकआटय् अर्जेन्टिनायात ४–३ गोलं बुकुगु खः । गुगु कासाय् ११ मिनेटया दुने स्वंगू गोल नकाः फ्रान्स त्यागु खः । क्वाटर फाइनलया कासाय् उरुग्वेयात २–० गोलं बुका सेमिफाइनलय् थ्यंगु खः ।

किपाः रियुटर्स

फ्रान्सया न्हापांगु वर्लल्डकप यात्रा सन् १९३० निसें शुरु जुगु खः । वर्ल्डकप कासाय् १५ क्वः दुथ्याकेत ताःलाम्ह फ्रान्सं सन् १९९८ य् जुगु फाइनलय् ब्राजिलयात ३–० गोलं बुकाः विश्वकप नं त्याके धुंकुगु खः । अथेहे सन् २००६ या विश्वकप कासाय् फ्रान्स जर्मनीनाप पेनाल्टी सुटआउटय् बुगु खः । सन् १९९८ व सन् २००६ धुंका फ्रान्स स्वक्वःगु खुसिइ फाइनलय् थ्यंगु दु ।

थौ इंग्ल्याण्ड विरुद्ध क्रोयसिया दथुइ ११ः४५ ताःइलय् अन्तिम सेमिफाइनल कासा जुइ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.