फोटो पत्रकारिता नेपालया दुजः पूर्णिमा श्रेष्ठं च्वापु गुँया सफल अाराेहण यात

११३८ अनलाथ्व पंचमी  

फोटोपत्रकार पुर्णिमा श्रेष्ठं न्हापागं खुसिइ च्वापु गुँया सफल आरोहण यात । फोटो पत्रकार क्लबया दुजः श्रेष्ठं शनिबार सुथ ८.१० ता इलय्  म्हिगः  च्वकाय् थःगु पलाः तःगु खः । सफल आरोहणया लिसें श्रेष्ठ च्वापु गुँइ पलाः तम्ह कथं न्हापांम्ह नेपाली फोटो पत्रकार नं जुयादीगु दु ।

फोटो पत्रकार क्लब, नेपाल

च्वापु गुँइ पलाः तम्ह कथं न्हापांम्ह नेपाली फोटो पत्रकार गोर्खा जिल्लाया आरुघाटय् जन्म जुयादिम्ह २६ दँया श्रेष्ठं थ्वसिबें न्ह्यः २६ सेप्टेम्बर २०१७इ ८१६३ मिटर तःजाःगु मनास्लु हिमालया नं पनि सफल आरोहण यानादी धुंकुगु दु ।

आरोहण यायेगु झ्वलय्ग फोटो पत्रकार श्रेष्ठं न्हापांगु खुसिइ “च्वापु गुँया आधार शिविरं च्वकाय् तःक न्हिलाच्वंपिं नेपाली मिसापिं” नां या एकल फोटो प्रदर्शनी तकं याःगु दु ।

नेपाःया संस्कृति तथा पर्यटन प्रबर्द्धन यायेगु आज्जु कथं नेपाल पर्यटन बोर्डया फोटो नेपाल अभियान अन्तर्गत च्वनाः फोटो पत्रकार क्लबया प्राबिधिकया गुहाली श्रेष्ठं उगु फोटो ब्वज्या याःगु खः ।

फोटो पत्रकार क्लब, नेपाल

न्यादँ न्ह्यःनिसें फोटोपत्रकरिताय् पलाः न्ह्याका च्वनादिम्ह पुर्णिमा थौंकन्हे कारोबार राष्ट्रिय आर्थिक दैनिकय् फोटो पत्रकारिता यानाच्वना दीगु खः । वय्कया सफल च्वापु गुँया आरोहणया बुखँ फोटो पत्रकारिता नेपालया प्रबक्ता दिपेश श्रेष्ठं प्रेश विज्ञप्ति पिथना थुगु बुखँ पितब्यूगु खः ।

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.