जीवनोपयोगी प्राथमिक उपचारया तालीम क्वचाल

११३८ सिल्लागा दशमी/येँ

राजोपाध्याय समाज व मेमोरी जोन नेपालया मंकाः ग्वसालय् थौं येँय् प्राथमिक उपचारया लिसें आधारभूत जीवन सहयोगी तालीम क्वचाःगु दु ।

तालीमय् डा. उदय कोइरालां सहजकर्ताया रुपय् तालीम बियादीगु खः । तालीमया झ्वलय् डा. कोइरालां दैनिक जीवनय् वयाच्वनीगु कथंया समस्याय् गुकथं प्राथमिक उपचार यायेफइ धइगु खँ सहभागीपिन्त स्यनादीगु खः ।

तालीमय् सामान्य घाः जुइगु अवस्थाया लिसें, तिल्वय्, वेहोस जुइगु, मिं अथवा तेजाबं पुइगु आदि कथंया समस्याय् यायेफइगु प्राथमिक उपचारया बारे सैद्धान्तिकया लिसें व्यवहारीक जानकारी नं याकादीगु खः ।

फोटो : अाकाश राजाेपाध्याय

उगु हे ज्याझ्वलय् मेमोरी जोन नेपालपाखें छुं ई न्ह्यः जूगु नरसिंह जात्रा फोटो धेंधें बल्लाः कासाया दसिपौ नं लःल्हाःगु खः । डा. उदय कोइरालां कासाया सकल ब्वतिमिपिं लिसें कासाया त्याकामि अनुप कक्षपतियात दसिपौ लःल्हानादिल ।

सुभाय् न्वचुया झ्वलय् राजोपाध्याय समाजया न्वकू संजय शर्मा राजोपाध्यायं थुगु कथंया प्राथमिक उपचारया तालीम समाजय् सकलसित आवश्यक जूगु न्ह्यथनादिल । न्वकू राजोपाध्यायं तालीमया ग्वसाः ग्वयेत थीथी कथं ग्वाहालि ब्यूपिन्त सुभाय् पौ लःल्हानादिल ।

फोटो : अनुप कक्षपति

ज्याझ्वलय् मेमोरी जोन नेपालया प्रवन्ध निर्देशक आकाश राजोपाध्यायं लसकुस यानाद्यूगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.