प्रतिभा साहित्यिक परिवारया ग्वसालय् चिनाखँ ब्वज्या

 

११३८ दिल्ला गाः अष्टमी/किपू

महाकवि सिद्धिदास महाजुया १५० क्वःगु बुदिंया लसताय् प्रतिभा साहित्यिक परिवारया ग्वसालय् चिनाखँ मुँज्या किपुलिइ जूगु दु ।

किपाः राजेन्द्र रंजित

संस्थाया नायः ज्ञान बहादुर महर्जनया मुँज्या नायःसुइ न्ह्याःगु उगु मुँज्याय् मूपाहाँ कथं डा. तुयू बहादुर महर्जन, विशेष पाहाँ कथं सिद्धि दास स्मृति समाजया छ्याञ्जे दिपक तुलाधर, प्रतिभा साहित्यिकया संस्थापक नायः, थौंकन्ह्यया संरक्षक लोककवि राजभाइ जकःमि झायादीगु खः ।

किपाः राजेन्द्र रंजित

नुगः खँ तयेगु झ्वलय् संस्थाया संरक्षक जकःमिं सिद्धिदासं थःगु जीवनय् अन्तिम इलय् तक्कनं अतिकं दुःखसियाः सिनावंसां थःगु भाषा–जाति, साहित्यया आपालं सफूत च्वयाः नेपालभाषा ख्यःया धुकू जायेका वंगुलिं नेवाःतय्गु नितिं गर्वया विषय जूवंगु खँ कनादिल । अथेहे गुलिखे तनाच्वंपिं, पिल्हूवयेमफया च्वंपिं साहित्यकारत वय्कःपिनिगु कृतित मालाःमालाः पितहयेत प्रतिभा साहित्यिक परिवारं निरन्तर कुतःयानावनेमाःगु खँ कनादिल ।

ज्याझ्वलय् शंख नारायण नापित, राम भक्त महर्जन, रजनी मिला, राजेन्द्र महर्जन, नरेन्द्र मान महर्जन, अर्जुन महर्जन, सुवर्ण महर्जन, दिल कुमारी डंगोल, अर्जुन नेपाःमि, शिव प्रसाद श्रेष्ठ, पि.के. श्रेष्ठ, सालिग्राम महर्जन, विकास महर्जन, नरेश मान महर्जनपिसं थःथःगु चिनाखँ ब्वनाः न्यंकादीगु खः ।

बुखँ  नेवाः सूचना केन्द्र

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.