प्यम्ह नेपालभाषा ह्यमिपिन्त हन

सिक्किम हाउस मध्यपुर थिमिइ शनिवाः ‘संस्कृति सम्बर्धनका लागि युवा’या ग्वसालय् प्यम्ह नेपालभाषा ह्यमिपिन्त हंगु दु ।
ख्यालि जुजु मदनकृष्ण श्रेष्ठया मूपाँहांसुइ नेपालभाषाया ख्यलय् थीथी कथं योगदान बियादीपिं व्यक्तित्वपिं आर्यम नकःमि (ख्यालि संकिपा दयेकामि), सुरेश किरण मानन्धर (ध्याचू च्वमि), उदय बहादुर अमात्य —पोखरा (भिंतुना लय्पौ पिकाकः) व शान्त लाल गमाल चित्लाङया पुलांपुलांगु संस्कृति च्वमि) पिन्त हनापौ मूपाँहांपाखें लःल्हासे हनाबना याःगु दु ।

     

हास्यकलाकार आशा थकूया नायःसुइ न्ह्याःगु ज्याझ्वलय् ख्यालिं भय्ब्यूगु च्वसू हुलाप्याखं दबू प्याखं न्ह्यब्वःगु खः ।
शरद कसाःनं न्ह्याकादीगु उगु ज्याझ्लय् संस्थाया सन्तोष राम लाछि व गणेशराम लाछिं पाँहांपिन्त ख्वपया तक्वःतपुलिं पुकाः स्वांमालं क्वखायेका लसकुस यानादीगु खःसा मध्यपुर थिमिया मेयर, वडा. नं ३ व ६ या वडा नायः लगायत थीथी क्षेत्रया व्यक्तिपिसं ब्वति कयादीगु खः । उगु ज्याझ्वलय् महेशमान डंगोल लँजुवाः, केशरत्न शाक्य, पुष्परत्न ताम्राकार स्विटहर्ट, भरत महर्जनपिसं ख्यालि, ध्याचूलिं भय्ब्यूगु च्वसूत न्ह्यब्वयादीगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.