पाचनयात बांलाकेगु नितिं संतुलित आहार

पाचन तन्त्रं भोजनयात उर्जाय् हीकाः शरीरयात ल्वय् नापं ल्वायेगु ज्याय् सक्षम याइ । थ्व तन्त्र स्यनकि न बांलाक भोजन पचेजुइ नकि शरीरयात माःगु पोषण तत्व हे बांलाक दइ । छगू स्वस्थ शरीरया नितिं भोजन बांलाक पचेजुइगु तसकं हे आवश्यक खँ खः । घरेलु उपायपाखें पाचन शक्ति अप्वयेकेगु बारे छुं टिप्स न्ह्यथनेत्यना।

मेवा

प्रोटीनयात बांलाक पचेयाइगु पपेन नांया छगू एंजाइम मेवाय् यक्व हे दइ । मेवा छगू भिटामिन व खनिजया समृद्ध स्रोत खः । यदि २४ घण्टाया दुने पाचन शक्ति बांलाकेगु खःसा कच्यूगु मेवा तसकं बांलाःगु विकल्प खः ।

धौ

थुकिइ छगू उज्वःगु रसायनिक पदार्थ दइ, गुकिं यानाः थ्व दुरुया तुलनाय् याकनं पचेजुइ । धौ नं यानाः प्वाःया समस्यात गथेकि अपच, कब्ज, ग्यास आदि ल्वचं तापायेफइ । थुकिइ दइगु बांलाःगु ब्याक्टेरियां यानाः पाचन बांलाकेत ग्वहालि याइ ।

पालु

पाचन नापं स्वापू दुगु समस्यापाखें तापायेत भोजनय् पालु ल्वःमंके मजिउ । थुकिं भोजन पचे यायेत माःगु एंजाइम उत्पन्न यायेत उत्प्रेरित याइ । छगू गिलास क्वाःगु लखय् २ चम्चा पालुया रस व १ गू चम्चा कस्ति ल्वाकछ्यानाः त्वनेगु यात धाःसा भोजन बांलाक पचेजुइ ।

हलू

हलुखय् पित्त उत्पादन यायेत पित्ताशययात उत्तेजित याइगु प्रमुख तत्व दइ । गुकिं यानाः पाचन सुधार जुयाः ब्लोटिंग व ग्यासया ल्वय्यात म्हो याइ ।

https://www.facebook.com/rajendra.manandhar.7906

हिङ

हिङय् दइगु एन्टिअक्सिडेन्ट, एन्टिफ्लुएंट आदि गुणं यानाः पाचन क्रियायात बांलाकेगु ज्या याइ । ग्यास, प्वाः स्याइगु, प्वाः फुलेजुइगु, फुड प्वाइजिनिंग आदिया उपचारय् हिङ यक्व हे प्रभावकारी जुइ । पाचनक्रिया बांलाका तयेत भतिचा हिङयात छगू गिलास क्वाःगु लखय् ल्वाकछ्यानाः भोजन कायेधुंकाः त्वनेगु यायेमाः ।

स्याउ

धाइनापं दु, छगः स्याउ न्हि न्हि नयेगु यात धाःसा डाक्टर तापाइ । स्याउलय् फाइबरया मात्रा यक्व दइगु जुयाः थुकिं पाचन नाप स्वापू दुगु समस्यात न्हंकेत ग्वहालि याइ । भोजनयात बांलाक पचेयायेत भोजन नयागु १५ मिनेट लिपा छगः स्याउ नयेगु यायेमाः ।

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.