पहिचानया सन्दर्भय नेवाः ताम्सालिङ विषयस् सहलह

११३८ अनलाथ्व पंचमी/येँ

आन्दोलन आदिवासी भूमि केन्द्रित जुइगु, पहिचान ल्यंका तयेत समावेसी समानुपातिक प्रतिनिधित्व दयेमाःगु, उत्पीदनय् लानाच्वंपिं आदिवासीतय्त विशेषाधिकार बियाः संरक्षण यासें बिकास याना येंके माःगु खँ मल्ल के. सुन्दरं प्रतिभा समाज, कुपण्डोलय् वंगु शुक्रवाः जुगु नेवाः ताम्सालिङ समन्वय समितिया पहिचानया सन्दर्भय नेवाः ताम्सालिङ विषयस् जुगु छगू ज्याझ्वःलय् नुगः खँ तयेगु झ्वलय् धयादिल ।

नेवाः व तामाङ छथाय् च्वना न्ह्यज्यांमवंकं जनजाति आदिवासी तय्गु पहिचानया नापनापं भूमि नं ल्यंकातये मफइगु जुगुलिं नेवाः तामाङ छथाय् च्वना थीथी ज्याझ्वःत न्ह्याकावनेगु तातुनां थुगु ज्याझ्वः जुगु खः ।

ज्याझ्वःया संयोजन शाक्य सुरेनं यानादीगु खःसा नेवाः देय् दबूया नायः नरेश ताम्राकारं नेवाः ताम्सालिङ समन्वय समितिया औचित्य बारे न्ह्यब्वयादीगु खः ।

अथेहे संघीय राज्य धाःसां नं प्रदेशया अधिकार सी.डी.ओ.या अधिकार स्वयां नं कम जक दु । नेवाः ताम्सालिङ नामांकन एक सुत्रीय माग ज्वना वनेमाःगु, आत्मनिर्णयया अधिकारयात जीवित याना वने माःगु, संविधानया ब्याख्या अनुसारं हे स्वनिगलय् सरकारी कामकाजी भाषा नेवाःभाय् व ताम्सालिङय् तामाङभाय् लागू याये माःगु खँ परशुराम तामाङं न्ह्यथना दिल ।

ज्याझ्वलय् डा. पुष्पराज राजकर्णिकार, विष्णु चित्रकार, ऋषि प्रसाद श्रेष्ठ, हिराकाजी महर्जन, राजभाइ जकःमि, जनजातिया प्रभुत्व व्यक्तित लगायत भाषाख्यःया सक्रिय कार्यकर्ता पिनिगु ब्वति दुगु खः ।

बुखँः अमिर मैया रञ्जित

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.