पनाैतिइ हिउपा -छगू चिन्तन- किपाः ब्वज्याया लिँधसाय्

ने सं ११३९ पाेहेलाथ्व पारु येँ

हिउपाः सदां विकासया लँपुइ न्ह्याः वनेगु लागि जक लिधँसा मजुइफु । गबुलें गुबलें हिउपाःया लिउलिउ वनिपिन्सं मचाय्कं थःगु अस्तित्व व माैलिकतायात नं बुलुइका यंकेयः धइगु सन्देश ज्वना वंगु थिंलागाः चह्रे  शुक्रवाः २० गते नेपाल पर्यटन बाेर्डय् पनाैतिया स्थानीय सचेत युवाः अले फाेटाेग्राफर प्रशान्त श्रेष्ठया किपाः ब्वज्या जुल ।

किपा रेखा शाक्य

किपाः ब्वज्या झ्वलय् वय्कलं थःम्ह कया तःयागु किपाःया माध्यमं पनाैतिया विगतया निसें थाैंया वर्तमान अवस्थायात थःगु किपातं ब्वयेगु ज्या यानादिगु दु ।

किपा रेखा शाक्य

शताब्दी पुरुष सत्यमाेहन जाेशीजुं क्यामरां क्लिक यानाः न्ह्यागु उगु ज्याझ्वलय् व सिबें न्ह्यः फाेटाेग्राफर प्रशान्तजुं थःगु व थःम्ह यानाच्वनागु ज्याखँया बारे फ्रान्सेली राजदुत व अन्य गन्यमान्य व्यक्तित्वयात पनाैतिया बारे अझ अप्वः थुइके बिइत थःम्ह तयार याना तयागु डकुमेन्ट्री क्यना दीगु खः ।

थः छम्ह  युवा जूगुया नातां पनाैति थें ज्यागु एैतिहासिक धराेहर व पुलांगु बस्तीयात बचय् यायेगु हे मू आज्जु जूगु धयादिल । झीसँ मदये धुंकुगुयात ला बचय् याये मफुत तर दुगु आःया संस्कृति  संस्कार व सम्पदायात बचेयायेमाःगु पाखे सकसितं ध्यान तयेत इनाप नं यानादिल ।

किपा रेखा शाक्य

वय्कलं झीगु डटकमलिसे खँ ल्हायेगु झ्वलय् पनाैति थः हे छगू स्थापित धराेेहर शहर खः । समयया हिउपा वइगु प्रकृतिया नियम खः । तर गुलिं गुलिं हिउपाः दक्वया नितिं विकासया लँपु पाखे हे जक न्ह्याः वनी धकाः धाये मछिं । पनाैतिइ न्हापा जुयाच्वंगु गुलिखय् संस्कार व संस्कृति थाैंया इलय् न्हना वने धुंकुगु दुसा गुलि न्हना वनेगु लँपुइ लानाच्वंगु दु । उकिं सकलें जाःना थुकिया संरक्षण व सम्बर्द्धन यायेगु पाखे वनेमाः । थःपिन्सं उकिया नितिं थासंथासय्या द्यः प्याखं परापूर्वकालंनिसें पनाैतिइ वयाः हुइक वयाच्वंगुयात कथंह हंका च्वनागु दु धाःसें दिपा काःगुयात न्ह्याकेगु ज्याय् माःगु पलाः छिइ धुनागु खँ कनादिल । अथेहे दँय्दसं हुइकाच्वंगु पनाैतिया देवीप्याखंयात इंगित यानादिल । अथेहे लाेप जुइ धुंकुगु म्हगलय् मत तयेगुयात नं लुमंकादिलसा थनि थ्यंम्थयं प्यदँ न्ह्यः ८० दँ लिपा हाकनं पनाैतिइ ह्युमत मिसा पुचःया कुतलय् जिवीत देवी कुमारीमाजुया थापना यानागु खँ लुमंकादिल ।

पनाैतिइ शहरया विशेषता मध्ये भुखाचं मथिइगु छगू नं खः तर वंगु २०७२ साल बैशाख १२ गतेया भुखाचं दुना हे तकं मवंगु छेँया लिसें अन्य थासय् आः दयेकेगु क्रमय् न्हूगु प्रविधिं यानाः पुलांगु शहरया ख्वापालं न्हूगु कंक्रिटया ख्वाः ब्वयेगु कुतः जुयाच्वंगु खँय् च्यूता प्वंकादिल । उकिं समयलिसे न्ह्याना वनेगु खःसां पनाैतिया पुलांगु माैलिक जनजीवनया लिसें छेँया माैलिकता ल्यंकातय्त जक जूसां ख्वाःपाः पुलांगु पहलं न्हूगु प्रविधयात नाला दनायंकेया नितिं नगरपालिकालिसे समन्वय याना वनेमाःगु बिचाः प्वंकादिलसा नगरपालिकां नं अज्यापिन्त गुहाली यायेगु नितिं आव्हान नं यानादिल ।

किपा रेखा शाक्य

उगु ज्याझ्वःयात झः झः धायेकेत पनाैतिया मेयरजुया लिसें सम्पदा प्रेमी वरिष्ठफाेटाेग्राफरपिं थी थी मिडियाया पत्रकारपिंया लिसें अन्यगन्यमान्य व्यक्तित्वपिनिगु सहभागिता दुगु खः ।

वंगु जनवरी ४ निसें न्ह्याःगु उगु किपाः ब्वज्या थ्वहे वइगु १० तारिख तक न्ह्याइगु जुगु दु । स्वकुमिया नितिं सुथसिया ११ बजेनिसें सनिलया ४ बजे तक लुखा चालिइ ।

 

Leave a Reply

Your email address will not be published. Required fields are marked *

%d bloggers like this: