पद्मरत्न तुलाधरया ज्याःजंक्वःया लसताय् जुइगु थी थी ज्याझ्वःया धलः सार्वजनिक

 

११३८ गुँला थ्वः पञ्चमी/येँ

झीगु सम्वाददाता

नेपाःया अादिवासी जनजाति, मानव अधिकार, जाति, भाषा समानता एव‌ं नागरिक अान्दाेलनया अगुवा लिसे‌ं शान्ति प्रक्रियाया सूत्रधार श्री पद्मरत्न तुलाधरया ज्याः जंक्व भीमरथाराेहण जुइगुया लसताय्  वय्कःयात नागरिक अभिनन्दन याइगु जुगु दु ।

किपाः रेखा शाक्य

उकिया नितिं  वइगु भाद्र ३० गते लाजिम्पाटंनिसें ससम्मान थी थी बाजंखलः व सकल वय्कःप्रति सम्मान तयादिपिं मुनाः, र्याली यानाः  राष्ट्रिय सभागृहलय् थ्यंकाः अभिनन्दन यायेत्यंगु दु ।

किपाः रेखा शाक्य

नेवाः परम्पराकथं सुं व्यक्ति ७७ दँ, ७ ला व ७ न्हु थ्यनकि ज्याः जंक्वः यायेमाः ।  तिथि कथ‌ं वय्कःया ज्याःजंक्व जुइगु न्हि थ्वहे भाद्र १७ गते लाःगु दु । थाैं पद्मरत्न नागरिक अभिनन्दन समाराेह समितिया नायः साहु लक्ष्मीदास मानन्धरजुं पत्रकार सम्मेलनया झ्वलय् थुगु खँया जानकारी ब्यूगु दु ।

 

वय्कःया थुगु ज्याः जंक्वया शुभअवसरय् वय्कलं यानादीगु हरेक लागाया याेगदानयात लुमंकाः व हे हरेक क्षेत्रनाप स्वापूदुपिं पाखें वय्कःयात कदर व सम्मान यायेगु तातुनां थ्वहे भाद्र १ गते शुक्रबारंनिसें  अभिनन्दनया दिं भाद्र ३० गते शनिबार  तकया नितिं थी थी खलः पुचः पाखें याये त्यंगु ज्याझ्वःया धलः सार्वजनिक यानादीगु दु ।

ज्याझ्वः धलः थुकथं दु किपाः स्वयादिसँ

किपाः रेखा शाक्य
किपाः रेखा शाक्य

नायः लक्ष्मीदास मानन्धरया नायःसुइ उगु समितिया  मूल अंगया रुपय् छगू संरक्षक समिति नं गठन जूगु दु ।

किपाः रेखा शाक्य

उगु समितिइ जनकवि दुर्गालाल श्रेष्ठ जनगायक भृगुराम श्रेष्ठ नेवाः अान्दाेलनया अगुवापिं मल्ल के सुन्दर नरेशवीर शाक्य व कलाकार गणेश सायमि दुजःया रुपय् च्वनादीगु दु । अथेहे ५२ म्ह दुजःया सचिवालय नं दुसा थी थी ज्याझ्वःया नितिं धकाः उपसमितित नं गठन यानातःगु दु ।

किपाः रेखा शाक्य

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.