न्हू्पिं विद्यार्थीपिन्त लसकुस यासें सफू निशुल्क इन

११३८ बछलागा  तृतीया/येँ

कालिमाटीस्थित जनप्रभात मा विद्यालयस म्हिगः न्हूपिं विद्यार्थीपिन्त लसकुस यासें निशुल्क सफू इनेगु ज्या सम्पन्त यात ।

किपाः राम शरण डंगाेल

प्रदेश ३ या माननीय सभासद भाजु राजेश शाक्यजुया मू पाहाँसुइ जन प्रभात मा.बि. या न्हुपिं विद्यार्थी पिन्त उकथं सफू इनेगु ज्या याःगु खः ।
ज्याझ्वलय मू पाहाँ राजेश शाक्यजुं बिद्यालयया शिक्षाया निति निर्माणया नितिं थःगु पाखें ज्या न्ह्याकेगु बचं ब्यूसें स्कुलया स्तरोन्नति यायेत बिद्यालयया ब्यबस्थापनपाखे यानाच्वंगु ज्या यात च्वछाया दिल ।

किपाः राम शरण डंगाेल

ज्याझ्वया सभापति स्कूलया ब्यबस्थापन समितिया अध्यक्ष राम शरण डङ्गोलजुं जन प्रभात स्कूलया थुगुसिया भर्ना संतोषजनक जूगु धासें स्कूलयात थुगु लागाया नमुना स्कूल दयेकेत पलाः न्ह्याकेगु खँ न्ह्यथनादिल । अथेहे स्कुलया प्रधानाध्यापक सत्येन्द्र कर्णं स्कूलया पढाइया स्तर थकायेत सकल स्कूलया जःपिंन्सं फू चाःगु तकं यायेगुलि प्रतिबद्ध जुया च्वनागु खँ कनादिल ।

किपाः राम शरण डंगाेल

बुखँ व किपाः राम शरण डंगाेल

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.