न्यू इयरया संजीप प्रधानया देछा – झोला

११३८ पोहेंलाथ्व चतुर्थी/येँ

लोकं व्हाःम्ह म्येहालामि संजीप प्रधानं थः फाय्‌नतयगु नितिं न्यू इयर सन् २०१८ या देछा कथं थःगु छपु न्हूगु म्यूजिक भिडियो ‘झोला’ झीगु.कमपाखें रिलिज यानाद्यूगु दु ।

सन् २०१३य् गायक प्रधानं पिथनादीगु म्येचाः पाठशालाया झोला म्ये थःगु नेपालया फाय्‌नतय्‌गु नितिं झीगु.कमपाखें सार्वजनिक यानाद्यूगु खः ।

म्यूजिक भिडियोया सुटिङ नेपाल व अमेरीका निथासं यानातःगु दु । मोडलतयगु सुटिङ नेपालय् यानातःगु खःसा गायक प्रधानया ब्व धाःसा अमेरीकाया बाल्टिमोरय् यानातःगु खः ।

न्हूगु रिलिज जूगु म्यूजिक भिडियोया म्ये हालेगुया नापं लय् व च्वयेगु ज्या नं गायक प्रधान थम्हं हे यानाद्यूगु खः ।

भिडियोया निर्देशन सुजाता श्रेष्ठं यानाद्यूगु खःसा छायांकनया ज्या उज्वल जोशी अले भिज्युअल एडिटिंगया ज्या सुनिल श्रेष्ठं यानाद्यूगु दु । बाल्टिमोरया छायांकनया ज्याय् अंजित शाक्यं यानाद्यूगु खः ।

गायक प्रधानं झीगु.कमलिसे खँ ल्हासें थः थौंकन्हय् नेपालं तापानाच्वंसां थःगु नुगः नेपालय् हे दुगु व थम्हं थः नेपाःमि पासापिनिगु नितिं इलय् ब्यलय् थुकथं हे सांगितिक देछा बियाच्वनेगु धयादिल । थुगु म्येयात न्यनाः स्वयाः थःत सल्लाह सुझाव बीत नं म्येहालामि प्रधानं सकलसित इनाप यानादिल ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.