fbpx

नेवाः संस्कारय् अन्त्येष्टि विधि व पितृमोक्ष सफू पितब्वज्या

ने सं ११३९ बछला थ्वः पारु/ ख्वप

पूर्णराम मुनकःमिया सम्पादनय् “नेवाः संस्कारय् अन्त्येष्टि विधि व पितृमोक्ष” नांया सफू शनिवाः ख्वपया याछेँस म्हिगः मांया ख्वाः स्वयेगु पावन तिथिस पितब्वज्या जूगु दु ।

मुनकःमि समाजया ग्वसालय् जूगु उगु ज्याझ्वलय् ख्वपया एकान्त कुमारी माजुया ल्हातं चिखिफ्यने ज्या जूगु खः । थुकथ‌ं म्वासु देवी कुमारीया करकलमं उलेज्या जूगु यात छगू महत्वपूर्ण दिं कथं काःगु दु ।

किपा – राजेन्द्र रञ्जित

नेवाः संस्कारया मौलिकतां जाःगु थुगु सफूया पिथनां नेवाः संस्कारया ज्याय् एकरुपता वइगुया नापनापं गलत प्रवृतिया पुरोहिततय्त विस्थापित यानावने फइगु सम्भावना दुगु खँ ज्याझ्वलय् थःगु नुगः खँ तयादीपिसं प्वंकादिग दु । लिसें नेवाः संस्कारय् अन्त्येष्टिया विषयलय् जुयाच्वंगु विवादं मुक्तयाना नेपाःया थीथी थासय् च्वनाच्वंपिं सकल नेवाःतय्त छधीछपं याइगु नं विश्वास प्वंकूगु दु । थुगु सफुतिं पुरोहित थ्यंके मफुथाय्नं थःपिसंहे अन्त्येष्टिया विधि पूवंके फइगु कथंया विधित तकं न्ह्यथना तःगुलिं थ्व सफुतिं आपतया इलय् ज्या तरे याये फइगु बिचाः प्वंकादिगु दु ।

शिव प्रसाद मुनकःमिया नाःयसुइ सरिता राजोपाध्यायनं न्ह्याकादीगु उगु ज्याझ्वलय् मृगेन्द्र राज सुवेदी, प्राडा. ओमकारेश्वर श्रेष्ठ, रास जोशी, उपेन्द्र भक्तानन्द राजेपाध्याय, महेश्वर जुजु राजोपाध्याय, परासर राज राजोपाध्याय, किर्ति किरण जोशीपिसं ब्वतिकयादीगु खःसा ख्वपया भाषाह्यमिया नापनापं स्थानीयवासीया नं सहभागिता दुगु खः ।

बुखँ – नेवाः सूचना केन्द्र

 

Leave a Reply

Your email address will not be published. Required fields are marked *