नेवाः यूट्युब च्यानल वल

ने स‌ं ११३९ थिंलाथ्व द्वितिया येँ

झीगु सम्वाददाता

नेवाः अनलाइनन्यूजया व्यवस्थापनय् नेवाः यूट्युब च्यानलया थौं आधिकारिक रुपं उलेज्या जुल । लुँ वहःया व्यवसायी निरञ्जन रत्न शाक्य थौं व्यवस्थापन पुचलं ग्वसाः ग्वःगु ज्याझ्वलय् उगु च्यानलया बटन क्लिकयाना उलेज्या यानादिगु खः ।


उगु हे व्यवस्थापन पुचःया दुजः ललेन्द्र शाक्यं थौं कन्हे यूट्युब च्यानलया लोकप्रियता अप्वःया वःगु हुनिं थुकथंया ज्याझ्वः हयागु खँय् जः ह्वलादिल । वय्कःया धापू कथं थुगु च्यानलय् नेवाःतय्गु भाषा, संस्कृति, व्यक्ति–व्यक्तित्वलिसें थीथी विषययात कयाः दयेका तःगु ज्याझ्वःत स्वयेफइगु खँ कनादिल ।

https://www.facebook.com/rajendra.manandhar.7906

अथहे नेवाः यूट्युब च्यानलया संरक्षक सुजिव बज्राचार्य व विजयरत्न असंबरें थुगु च्यानल पाखें थौंकन्हेया युवातय्त झीगु भाषा कला व संस्कृतिया बारे सिइका बिइगु तातुनागु खँ धयादिल ।

थुगु नेवाः यूट्युबय् आःया नितिं नेवाः म्हसीका, व्यक्ति–व्यक्तित्व, चि–संकिपा, साहित्यलिसें नेपालभाषाया थीथी ज्याझ्वः न्ह्याकीगु जूगु दुसा लिपा मद्दिक्क थीथी विषयस ज्याझ्वः तइगु जूगु दु । झीगु स्वनिगः, झीगु थाय्, नेवाः ल्यायम्ह, म्यूजिक भिडियो व मचातय्गु नितिं नं थीथी ज्याझ्वः दयेकीगु ग्वसाः दुगु खँ धाःगु दु ।

ज्याझ्वःया लिपांगु इलय् उगु हे व्यवस्थापनया दुजः राजीव राजोपाध्यायपाखें सकसितं सुभाय देछासें च्यानलयात सबस्क्राइव, लाइक व शेयर यायेत इनाप यानादिगु खः ।

One thought on “नेवाः यूट्युब च्यानल वल

  • December 10, 2018 at 6:32 am
    Permalink

    Congratulations! Happy to know this

    Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.