नेवाःपत्रकार राष्ट्रिय दबूया ग्वसालय् निन्हु यकंया पत्रकार तालिम क्वचाल

११३८ दिल्ला गाः अष्टमी/यल

झीगु संवाददाता 

नेवाःपत्रकार राष्ट्रिय दबूया ग्वसालय् निन्हु यकं शुक्रवाः व शनिवाः गोल्डेन डायमण्ड ज्वेलरीया ग्वहालिइ जूगु पत्रकारिता तालिमया समापन म्हिगः क्वचाःगु दु ।

उगु ज्याझ्वलय् मूपाँँहा यल महानगरपालिकाया प्रमुख चिरिबाबु महर्जनं सहभागी सकल ४०म्हेसित दसिपौ लःल्हानादीगु खः ।

थःगु नुगः खँ तयेगु झ्वलय् मूपाँहा मेयर महर्जनं स्थानीय तहयात जवाफदेही पत्रकारिताया दक्षता अभिवृद्धि यायेत स्थानीय तह, निजी क्षेत्र व सञ्चाःकमि नाप सहकार्य याना न्ह्यने वनेमाः थौंया आवश्यकता खः धयादील ।

अथेहे ललितपुर उद्योग वाणिज्य संघया अध्यक्ष कृष्णलाल महर्जनं देशय् समावेशी विकास व समृद्धिया लागि पत्रकारिताया भूमिका महत्वपूर्ण जुगु खँय् बःबियादीगु खः ।

नुगः खँ तयादीसे नेपाल सुनचाँदी व्यवसायी महासंघया उपाध्यक्ष नापं गोल्डेन डायमण्ड ज्वेलरीया अध्यक्ष ज्ञानुराज शाक्यं तथ्यसत्य सूचं प्रवाह यानाः समाजयात विकासया लँपूइ यंकेत पत्रकारीं बः बिइगु खँ लुमंकसुें थज्यागु तालिमया ज्यां युवापुस्तायात धिसिलाकेमाःगु जुगुलिं थज्यागु ज्याय् गुहाली याये दुगु लसताया खँ धयादिल ।

नेवाः पत्रकार राष्ट्रिय दबूया अध्यक्ष श्रीकृष्ण महर्जनया नायसुइ जुगु ज्याझ्वलय् उपाध्यक्ष सुरजवीर बज्राचार्य, महासचिव सुनील महर्जन पिन्सं नेपाली पत्रकारिताय् समावेशी यायेत समाजया सकसिगु उलि हे महत्व दइ धका थःथःपिनिगु नुगः खँ तयादीगु खः ।

उगु तालिमय् वरिष्ठ पत्रकार धर्मेन्द्र झा, नेपाल टेलिभिजनया गजुरधन राई, इमेज न्यूज एफएमया सुरजवीर बज्राचार्य, पत्रकार केपी ढुंगाना व युवराज गौतमं तालिम बियादीगु खः ।

Share this...
Share on Facebook
Facebook
Tweet about this on Twitter
Twitter

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.