नेपाल डेरी प्रा. लि.या ३८ औं बार्षिकाेत्सव हन

११३८ गुँला थ्वः नवमी/यल

झीगु सम्वाददाता

नेपाल डेरी प्रा. लि.या ३८ औं बार्षिकाेत्सव म्हिगः छगू ज्याझ्वःया यासें हन । डा हेरम्बबहादुर राजभण्डारीया अध्यक्षताय् न्ह्याःगु उगु ज्याझ्वलय् वय्कलं नेपाल डेरीया विभिन्न शाखाय् बांलाक ज्यायापिं कर्मचारीपिं १२ म्हसित सम्मानपत्रया लिसें मतिना चिं बियाः सम्मान यानादिगु खः ।

किपाः शरण ज्यापू हरि

ज्याझ्वलय् नुगः खँ तयेगु झ्वलय् डेरीया सञ्चालक श्री अरनिको राजभण्डारीं नेपाल डेरीया स्थापना जूगु न्हापाया दिंयात लुमंकुसें वि.सं २०३८ साल भाद्र २ गते १४ लिटर दुरु व थ्यंमथ्यं ६० हजार तकां शुरु जुगु उद्योग थौं वर्तमान ई तक थ्यंबलय् एनडिज आइसक्रिम एण्ड फास्ट फूड मोर्डन फास्टफूड स्कीम कलेजया लिसें आः याकनं हे शुरु जुइत्यंगु नियो प्लाष्टिक प्याकेजिंगया उद्योगया तगिं तक थ्यंगु खँ कनादिल ।

नापनापं वय्कलं थुगु अवस्थाय् तक थ्यंकेया नितिं प्रत्यक्ष अप्रत्यक्ष रुपं सहभागिता बियादिपिं शुभचिन्तकया लिसें सम्पूर्ण कर्मचारीया एकबद्धता व इमान्दारितां याना जुगु धाःसें सकलसित सुभाय देछाया दिल ।

अथहे अध्यक्ष भण्डारीं सकल कर्मचारीया भिं मनंतुसें वइगु दिनय् नं एनडिजया ब्राण्डिंगयात सदां थुकथं हे न्ह्यःने हयेगु नितिं उपभोक्ताया स्वास्थ्य रुचि व भावनाया कदर यानावनेगु प्रतिबद्धता प्वंकादिल ।

म्हिगःया उगु ज्याझ्वलय् उद्योग स्थापनाया सञ्चालकपिंया लिसें सकल अन्य व्यक्तित्वपिनिगु नं सहभागिता दुगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.