नेपाली प्याखनय् सन्नी लियोन (फोटोफिचर)

बलिउड आइटम गर्ल सन्नि लियोनीं छगू नेपाली फिल्मय् थःगु अाइटम डान्स न्ह्यब्वःगु दु ।

प्याखंया फुकं छायाँकन लण्डनय् यागु प्याखं ’पासवर्ड’या आइटम म्येय् सन्निं थःगु अाटम डान्स न्ह्यब्वःगु खः । उगु म्येया छायाँकनय् जक निर्माण टिमपाखें ५ गू करोड नेपाली धेबा खर्च यागु खः ।

फिल्मय्  दुथ्याइगु ’सन्नि हो नाम मेरो…’ बोलया म्येय् सन्नीया आइटम डान्सयात बलिउडया भेट्रान कोरियोग्राफर विष्णु देभां निर्देशन यागु खः ।

विष्णुदेभां सलमान खानिनसें शाहरुख खान, अक्षयकुमार थेंजापिं बलिउड स्टारया प्याखनय् नृत्य निर्देशन यायेधुंकूगु दु ।

अर्जुन पोखरेलं संगीत ब्यूगु उगु म्येया भिडियोय् प्याखं हुलेत सन्निं ७म्हया टिम ज्वनाः लण्डन थ्यंगु खः । नेपाली फिल्मय्  अाःतक दक्कले अप्वः बजेटय् दयेकूगु उगु म्येय् सन्नियात २ सय नं अप्वः डान्सरं साथ ब्यूगु दु ।

भारत व बेलायतया नृत्याङ्गनात म्येय् सन्निलिसें दुथ्याःगु दु । भिडियो छायाँकनया छुं किपात निर्माण टिमं सार्वजनिक यागु दु ।

सन्नि लियाेनिं २ करोड भारू कयाः थःगु टिमलिसें सम्झौता यानाः नेपाली फिल्मय् प्याखं हुलेत तयार जूगु खः । साढे चार मिनेटया म्येय् कोरियोग्राफी यायेत न्हयम्हेसिया टिमनापं विष्णुदेभा सन्निनापं लण्डन थ्यंगु खः ।

फिल्म टिमं लुक्स आउट यायेमखुनी धकाः फिल्मय् दुथ्यापिं मेपिं नेपाली कलाकारपिनिगु किपा धाःसा ’रिभिल’ मयानी ।

फिल्मया निर्देशक सम्राट बस्नेतं ’पासवर्ड’या कथा व स्क्रिनप्ले नं माग यागु अनुसार हे थःगु फिल्मय् सन्नियात प्याखं हुइकेत भारतं लण्डन सतागु धाल ।

२ दर्जनसिवें अप्वः फिल्मय् द्वन्द्व निर्देशन यायेधुंकूम्ह सम्राटया नितिं थ्व फिल्म तधंगुपर्दाया डेब्यू निर्देशक कथं जुइ । एबी इन्टरनेशनलया ब्यानरय् दयेकूगु  फिल्मया प्रदर्शन मिति धाःसा ताेके मयानी ।

थ्व फिल्मयात बिक्रम जोशी, हिरल जोशी व अमित बस्नेतं निर्माण यागु खः । एक्सन थ्रिलर जर्नरयागु फिल्मय् सौरभ लामाया छायाँकन दु धाःसा बिक्रम जोशी (विक्की), अनुपबिक्रम शाहि, बुद्धि तामाङ, छुल्ठिम गुरुङ, बिक्रान्त बस्नेत, रविन्द्र झा, प्रविण खतिवडा, लिशा सुनार, परि राना लगायत पिनिगु मू भुमिका दु।

picture source: नाैलाेन्युज

Share this...
Share on Facebook
Facebook
Tweet about this on Twitter
Twitter

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.