नेपालभाषा सफू सहकारीया साहित्यिक ज्याझ्वः

       

येँ, मंसिर ९ । नेपालभाषा सफू बहुउद्देश्यीय सहकारी संस्था लि. या ग्वसालय् म्हिगः बसन्तपुरया थःगु हे ज्याकुथिइ अनौपचारिक नेपालभाषा साहित्यिक ज्याझ्वः जुल ।

 

ने.सं ११३३य् थापना जूगु उगु सहकारी संस्थाया मू आज्जू नेपालभाषाया श्रष्टापिनिगु ग्रन्थ ब्वमिपिनिगु ल्हातिइ याउँक थ्यंकेगु व वइगु दिनय् नेपालभाषाया ग्रन्थयात प्रकाशन यायेगुलिइ नं ल्हाः तयेगु जुइ धकाः जानकारी बियादिल । उगु संस्थाय् अाः थौंकन्हे ६५ म्ह दुजः दु ।

 

उगु ज्याझ्वलय् न्हूपिं व पुलांपिं साहित्यकःमिपिं अमृत रत्न श्रेष्ठ, राम मानन्धर, राजेन्द्र रञ्जित, कृष्णभक्त बोडे, किरण रंजितकार, सौरभ शाक्य, अमिरमैया रञ्जित, रेवन्तलाल श्रेष्ठ, गोपाल महर्जन, बिमल कुमार ताम्राकार, हरिप्रसाद श्रेष्ठ, बसन्त महर्जन, रेखा शाक्य, शरण डंगोल लगायत २१ म्हसिनं थःथःगु रचना पाठ यानादीगु खः ।

 

उगु संस्थां लय् लय् पतिं थज्याःगु साहित्यिक ज्या झ्वः यायेगु यानाच्वंगु जानकारी अायाेजकं बिउगु दु ।

      

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.