‘नेपालभाषा व रन्जना लिपियात व्यवहारय् हये’

११३८ थिंलाथ्व दशमि

आः जुइत्यंगु प्रदेश सभाया निर्वाचनय् क्षेत्र नम्बर ८ (१) य् नेकपा एमालेया उम्मदेवार राजेश शाक्यं नेपालभाषा व नेपाल सम्वतयात प्रदेशया सरकारी ज्याखँय् छ्यलेत विशेष पहल यायेगु धयादीगु दु ।

झीगु.कम लिसे खँल्हासें बाम गठबन्धनया मंकाः उम्मेदवार शाक्यं संयुक्त राष्ट्रसंघय् नेपालयात सदस्यता बीकेत ग्वाहालि ब्यूगु रन्जना लिपिया प्रवर्द्धन यायेगु लिसें व्यवहारय् हयेत नं कुतः न्ह्याकेगु प्रतिवद्धता प्वंकादिल ।

थःगु भावी योजना कनेगु झ्वलय् भाजु शाक्यं स्वनिगःया ऐतिहासिक वस्तीया सांस्कृतिक पहिचानया प्रवर्द्धन व विकास यासें लजगाःया व्हःताः ब्वलंकाः थनया स्थानीयया जीवनस्तर थकायेत नं थः न्ह्याःवनेगु धयादिल ।

नेपाःया समृद्धि व विकासया योजना ज्वनाः थःपिं न्ह्याःवनाच्वनागु इलय् साथ बीत नं वय्‌कलं जनतायात आव्हान यानादिल ।

देशया राजनीति अस्थीर जूगु अवस्थां देय्‌या विकासय् तकं लिच्वः लाःगु खँ धासें देशया विकासया नितिं आःया आवश्यकता स्थीर सरकार हे खःगु वय्‌कलं धयादिल ।

देशय् स्थीर सरकार स्थापना यानाः विकास व समृद्धिया लँपुइ न्ह्याःवनेत बाम गठबन्धनयात ग्वाहालि यायेत नं शाक्यं इनाप यानादिल ।

खँल्हाबल्हाया पूवंगु भिडियाे स्वयादीत क्वय् क्लिक यानादिसँ



Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.