‘नेपाःगाःया ल्यंकेत जिगु उम्मेदवारी’– प्रजापति

११३८ थिंलाथ्व त्रयोदशी

येँ क्षेत्र नम्बर ७ (१) प्रदेश सभापाखें संघीय समाजवादि फोरम नेपालया प्रत्यक्ष उम्मेदवार श्यामकृष्ण प्रजापतिं आः जुइत्यंगु प्रतिनिधिसभा व प्रदेशसभा सदस्य निर्वाचनं थःगु पार्टि छगू न्हुगु शक्तिया रुपं उदय जुइगु धयादीगु दु ।

वर्तमान इलय् जनतां वैकल्पिक शक्ति व ल्याय्‌म्ह नेतृत्व मनंतुनाच्वंगु इलय् थःपिनिगु थःगु पार्टियात हे जनतां ल्यइगु युवा नेता प्रजापतिया दावी खः ।

झीगु.कम लिसे खँ ल्हासें प्रजापतिं वर्तमान राजनैतीक परिवेशय् पहिचानया सच्चा पक्षधर पार्टि संघीय समाजवादि जक हे खःगु धयादिल ।

खँल्हाबल्हाया झ्वलय् प्रजापतिं स्थानीय आदिवासी जनजाति समुदायया पहिचान स्थापित यायेगु लिसें समतामूलक समृद्धि हे थःपिनिगु मू मुद्दा खःगु खँ नं स्वानादिल ।

विकासया नां बियाः सडक विस्तार लिसेंया ज्या यानाः राज्यं नेपाःगाःया सभ्यता न्हंकेत स्वयाच्वंगु प्रजापतिया द्वपं खः । नेपाःगाः ल्यंकेत थः न्ह्याबलें नं क्रियाशिल जुयाच्वनेगु प्रतिवद्धता नं वय्‌कलं प्वंकादिल ।

श्यामकृष्ण प्रजापतिया खँल्हाबल्हा भिडियो स्वयेत थन क्लिक यानादिसँ

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.