fbpx

निगु विश्व सम्पदा स्वाइगु

विश्व सम्पदा लागा स्वयम्भू व हनुमानढोका दरवार लागायात सम्पदा पदयात्रां स्वाइगु गुरुयोजना तयार जूगु दु ।
विश्व सम्पदा दिवस – २०१९ या अवसर लाकाः  चौलाथ्व १४ (अप्रिल १८) कुन्हु अनुमानढोका दरवार लागाय् २२ सय मिटर तापाःगु निगु सम्पदा स्वाइगु पदयात्रा गुरुयोजना सार्वजनिक याइगु जूगु दु ।
येँ महानगरपालिकाया सम्पदा तथा पर्यटन समितिया संयोजक न्हुच्छेकाजी महर्जनं छगू पत्रकार सम्मेलन यानाः थ्व सम्पदा पदयात्रापाखें निगु लागाय् दुने लागु  स्थानीय सांस्कृतिक सम्पदात प्रवद्र्धन यानाः आर्थिक विकासय् टेवा बीगु खँ कनादील ।
अथे हे पर्यटनया विकास व सम्पदाया बारे जनमानसय् चेतना अप्वयेकेगु तातुना  महानगरया मूर्त उवं अमूर्त सम्पदातय्गु म्हसीका, पुस्ताहस्तान्तरण व सम्बद्र्धन यायेगु ज्याय् थ्व सम्पदा पदयात्रां तसकं हे ग्वाहाली याइगु खँ महर्जनं कनादील ।
सम्पदा पादमार्गया रुट थुकथं दु
हनुमानढोका – काष्ठमण्डप – मरु गणेश – मरु हिति – सन्तानेश्वर महादेव – मरुबही – मिच्याः गल्ली – बञ्जाः हिति – सा – चस्वांद्वँ – दमाइ त्वाः – सुन्ता गल्ली –  पाछै गल्ली – ङत द्यःछेँ – आयुर्वेदिक अस्पताल – सामुदायिक (लोकेश्वर) गल्ली – बुरांख्यः – म्येछ्यं हिति – तपिंता – रञ्जित मल्ल सतः – भेलु महाद्यः – दलु चौतारा – निपु हिति – धिमें ल्वहँ – चारा हिति – भुइख्यः जुया स्वयम्भू ।
थुगु रुट जुया हनुमानढोकानिसें स्वयम्भूतक वनीबलय् इतिहासया थी थी कालखण्डया दयेकूगु द्यः बहाःबही, ल्वहँ हिति, सतः थें ज्यागु सम्पदात स्वयेखनी । महानगरपालिकां उगु सम्पदात म्हसिकेत थी थी संकेत चिंत तयेगु, स्थानीय छेँयात परम्परागत स्वरुपय् हयेगु नापं उगु रुटय् लागु सतः मर्मत सम्भार लिसें संरक्षण यायेगु धकाः प्रेस बिज्ञप्ती च्वयातःगु दु ।

Leave a Reply

Your email address will not be published. Required fields are marked *