निक्वःगु द्वादस साहित्य श्रृजन सम्मेलन थक्वातय्

११३८ चौलागा चाैथी/थक्वाः

नःलि साहित्य दबूया निक्वःगु द्वादस साहित्य श्रृजन सम्मेलन थक्वातय् वंगु शनिबाः क्वचाःगु दु । थक्वःया स्थानीय साहित्यकारतय्गु ब्वतिलिसें जूगु थुगु सम्मेलनय् ३० म्ह साहित्यकारपिन्सं थःथःपिनिगु रचना न्ह्यब्वःगु खः ।

किपा शाैरव शाक्यया फेसबुक पाखें

नःलि साहित्य दबूया दुजः सौरभ शाक्यया सभापतित्वय् न्ह्याःगु उगु ज्याझ्वलय् उपप्रध्यापक निर्मला श्रेष्ठ मूपाहां कथं झायादीगु खः । दबुलिं वय्कःयात थक्वाःया निम्ह साहित्यकार तेज प्रकाश श्रेष्ठ व शिव प्रसाद श्रेष्ठयात दोसल्लां न्ययेका सम्मान याःगु खः ।

किपा शाैरव शाक्यया फेसबुक पाखें

ज्याझ्वलय् नरेशवीर शाक्य, हलिं नेवाःगुथिया नायः शान्तप्रकाश श्रेष्ठं नुगःखँ तयादीगु खः ।

किपा शाैरव शाक्यया फेसबुक पाखें

नेपालभाषा साहित्य विकासया निंतिं नःलि साहित्य दबूया ग्वसालय् दच्छियंकं झिंनिगु नेवाः वस्तिइ ‘द्वादस साहित्य सिर्जन अभियान’कथं थुगु ज्याझ्वः थक्वातय् न्ह्याःगु खः ।

ज्याझ्वलय् थक्वाःया कवि श्याम बहादुर, ओमप्रकाश, मन्दिरा, भिम नारायण रमेश मानन्धर, शौरव शाक्य, सिर्जना श्रेष्ठ, मोक्ष बहादुर अमात्य, लुमिला महर्जनया लिसें अन्य साहित्यकारपिन्सं थःथःगु कविता व मेमेगु रचना न्यंकादीगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

%d bloggers like this: