नवनिर्वाचित प्रतिनिधिपिं कार्यक्षेत्रय् सक्रिय

११३८ थिंलागा दशमी

प्रदेश ३ येँ क्षेत्र नं. ८ (१) पाखें प्रदेश सभा सदस्य् त्याःम्ह राजेश शाक्य निर्वाचन क्वचायाकथं क्षेत्रय् सक्रिय जुयाहःगु दु ।

थौं सुथय् हे वय्‌कःलिसें क्षेत्र नं. ८ प्रतिनिधि सभाय् निर्वाचित जीवनराम श्रेष्ठ निम्हं जानाः थःगु क्षेत्रया थीथी थासय् तयातःगु चुनावी प्रचार ज्वलंत लिकयाः यचुपिचु यायेगु ज्या यात ।

काठमाडौँ क्षेत्र नं ८(१) पाखें प्रदेश सभाय् निर्वाचित राजेश शाक्यया नापं क्षेत्र नम्बर ८य् हे प्रतिनिधिसभा सदस्यय् विजयी उम्मेदवार जीवनराम श्रेष्ठं थौं येँया मखं त्वालय् दुगु निर्वाचन प्रचार ज्वलं लिकायेगु ज्या याःगु खः ।

थःपिन्सं निर्वाचनया झ्वलय् थायथासय् तःगु तुल, ब्यानर लिसेंया प्रचार ज्वलं वय्‌कःपिन्सं थम्हं हे लिकाःगु खः । पार्टि कार्यकर्ता व स्थानीय लिसे जानाः शाक्य व श्रेष्ठं उगु प्रचार ज्वलंत लिकाःगु खः ।

येँ महानगरपालिका वडा २४ मखं त्वालं न्ह्याःगु थुगु सरसफाइ ज्याझ्वः थःगु क्षेत्रन्यंक क्वमचाःतल्ले न्ह्याकातयेगु प्रदेश सभा सदस्य शाक्यं झीगु.कमयात धयादिल ।

 

शाक्ययात भिन्तुना बीपिं म्वःम्वः





चुनाव क्वचायाः चुनावी लिच्वः वःगुलिसें प्रदेश ३, येँ प्रदेश सभा क्षेत्र नं. ८ (१)य् विजयी उम्मेदवार राजेश शाक्ययात बधाइ बीगु नितिं वय्‌कःयाथाय् म्वःम्वः मुनीगु जुयाच्वंगु दु ।

थ्व हे झ्वलय् थौं शाक्ययात भिंतुना देछायेत अखिल नेपाल महिला संघ, येँ १५ वडाया मिसा पुचः वयकःया छेँय् हे थ्यन । पुचलं शाक्ययात ह्याउँसिन्हः तिकेगु लिसें खादां न्ययेकाः भिन्तुना देछाःगु खः ।

झीगु्.कमलिसे खँ ल्हासें संघ १५ वडा कमिटिया नायः ज्ञानुलामां संचारया फक्व छ्यलाबुला, छेँखा अभियान लिसें थायथासय् हेल्प डेस्क न्ह्याकागुया प्रतिफल थौं दत धकाः धयादिल ।

चुनाव प्रचार प्रसार कजि लिसें सल्लाहकार शान्ति शाही सिंहं महिला हिंसा न्हंकेगु, मिसातयत स्वरोजगार दयेकगु, महिला शिक्षायात अनिवार्य याकेगु लिसें पिडित लिसें शोषित मिसातय्‌गु लागिं ज्याझ्वःत हयेत नवनिर्वाचित प्रतिनिधियात बः बीगु धयादिल ।

सूचना कजि सूचना लामां प्रचार प्रसारया झ्वलय् जनसम्पर्कय् च्वनाबलय् येँ १३ बाफलय् धः, लःया व येँ १५ चःमतिइ सडकया समस्याया खँ वःगु व थुकिया बारे नवनिर्वाचित प्रदेश सभा सदस्य शाक्ययात नं जानकारी बीधुनागु धयादिल ।



Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.