fbpx

नरः देशय् तिसा मालेगु जात्रा थाैं -भिडियाे स्वयादिसँ

रेखा शाक्य
ने सं ११३९ चाैलागाः पारु येँ
दँय्दसं थें थाैंया न्हि कुन्हु नरःदेशय् अर्थात हाँडीगामय् तिसा मालेगु जात्रा थाैं न्ह्यायेत्यंगु दु । थाैंया दिनय् विशालनगरया  त्वरं अजिमाा, माेपता द्यः व नक्सा भगवतीया नं जात्रा जुइगु खः । नरदेशय् च्वंगु चाकला पुखुलि तिसा मालेगुुया प्रतीकय् न्ह्याःगु जात्रा जुगुलिं हे थुगु पुखुयात गहना पाेखरी नं धायेगु याःगु खः । चाैलाथ्व अष्टमी कुन्हुनिसें हे मू जात्रा पारुया नितिं जात्राया तयारी कथं थी थी ज्याः न्ह्याःगु खः ।

 


थाैंया मू दिं कुन्हु तिसा मालेगु जात्राकथं देय्न्यंक प्रख्यात जु । थुगु तिसा मालेगु जात्राया किंवदन्ती कथं ब्वलनाच्वंगु जनधारणा थुकथ‌ं दु । जनकथन कथं माेपता द्यः थः मां      त्वरंं अजिमा नापलायेत बिज्यागु इलय् मा‌ंया प्रेमी प्वः नाप‌ं गाेप्य स्वापू दुगु व हे नाप‌ं चाहुला च्वंगु खंगु खः । थ्व लु खनाः तं पिकया चान्हय् लिहाँ वःम्ह माेपताद्यःया तिसा उगु हे पुखुलिइ तंगु धाइ । व हे तिसा मालेगुया प्रतीक कथं थाैंया न्हि कुन्हु तिसा मालेगु धकाः द्यः खः यात पुखुलि चाहुकिगु खः । माेपताद्यःयात पुखुलि चाहुकीगु इलय् पुखु पिने नक्सा भगवतीया नं खः जात्राया अन हे जुइ ।
उगु हे द्यः खः जात्राया भिडियाे थुगु लिंकय् दु ।

Leave a Reply

Your email address will not be published. Required fields are marked *