नगदेशय् पद्म रत्नया बिचाः हायेका मुँज्या

 

https://www.facebook.com/rajendra.manandhar.7906

ने सं ११३९ थिंलागाः द्वितीया

शंखधर सिरपा समितिया ग्वसालय् डा. पुष्प राज राजकर्णिकारया नायःसुइ हने बहःम्ह मानवअधिकारवादी नेवाः न्ह्यलुवा मदुम्ह पद्म रत्न तुलाधरया बिचाः हायेका मुँज्या वंगु शुक्रवाः जुल ।

किपा राजेन्द्र रञ्जित

 

शरद कसालं न्ह्याकादीगु उगु मुँज्याय् नेवाः न्ह्यलुवाः मल्ल. के सुन्दर मूपाहाँ कथं झायादीगु खःसा पाहाँ कथं नरेन्द्र भक्त हाडा, डा. महेश मान श्रेष्ठ, मा. प्रतिमा श्रेष्ठ, नरेश वीर शाक्य, मयेर मदन सुन्दर श्रेष्ठपिं झायादीगु खः ।

ज्याझ्वलय् पाहाँपिसं नुगःखँ तयेगु झ्वलय् पद्म रत्नया म्हगस पूवंकेगु खःसा पद्म रत्न प्रतिष्ठान दयेकेमाःगु नापं नेवाः दबू छेँ याकनं धस्वाकेमाःगु खँय् बःबियादीगु खः ।

किपा राजेन्द्र रञ्जित

प्रतिष्ठान दयेकेगु नितिं उगुहे ज्याझ्वलय् नुगः ह्वयेकाः कैलाश भक्त प्रधानाङ्रगं छगू लख तका मुँज्या नायःयात लःल्हागु खःसा मेमेपिनिगु पाखें नं दुतिंगु नापं मुक्कं निगुलख व न्यःन्याद्व तका दां मुंगु मुँज्या नायः राजकर्निकारं जानकारी बियादीगु दु ।

प्रतिष्ठान दयेकेगु नितिं विनायक इङ्रगलिस स्कुल, गणेश मा।बि।, सहयोगी बचत तथा ऋण सहकारी संस्थां छगू छगू लख तका दां बिइगु बचं बियादीगु दुसा मेयर मदन सुन्दर श्रेष्ठं नगरपालिकाया मुँज्या सहलहयाना फयांफिछ अप्व बिइकेगु कुतःयागु, म्ह्वतिं नं छगू लख तका दां बिइगु बचं बियादीगु दु । अथेहे श्री गोपाल प्रजापतिं न्याद्व तका दां लःल्हानादीगु दु ।

बुखँ नेवाः सूचना केन्द्र

 

झीगु डट कम

झीगु नितिं झीगु सञ्चार

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.