fbpx

ध्याचु चिबाखं “पासा”

 

  • शाैरव शाक्य

फेसबुक स्वस्वं वयागु मिखा छगू बुखँय् जूवन ” नकतिनि जक छगू अपुष्ट बुखँ कथं दिवाकर… वं बुखँ पूवंका ब्वने मफूत । बुखँय् क्वय् पासा दिवाकरया किपाः । किपाः क्वय् लाइन लगेजुइ धुंकल बिचाःहायेका , श्रध्दांजली , सुखावति भुवनस बास लायेमा , अनिच्चाबत् शंखारा …उर्फ ब्वनाच्वने मफुत फुकं । व जुरूक्क दन लासां । मिखा लः लः धायावल वया । उबले हे तिरिमयजुं च्या ज्वना क्वथाय् वल । ” जि च्या चि त्वना च्वने मखुत जि।। जिू वं थुलि जक धाये फत सः खा खा तूत ।

थः भातया सःखा खा तूगु तिरिं छुं जूगु तायेका न्यन ” छाय् छु जुल ? ”

वं धाल सः ह ह पंका “पासा …दिवाकर मंत ”

घा…छु जुगु लय् ? उखुनुतिनि जागीर रिटायर जुल धइदियागु मखुला छिं ? छत्थुं ! ”

वं तिरियात लिसःहे मब्युसे लाकां न्ह्याना स्वानं क्वहाँ वइ छ्वत । तिरिया “च्या निं भपिया… ।” वया नुगः छधि जुइ धुंकल पासाया मृत्युं च्या कथुं गथे कुहाँ वनि ।

मनय् खँ ल्हाकुं ल्हाकुं वंवले व पासाया छें न्हयने थ्यंगुहे होस मंन्त । मनूत छम्ह निम्ह पिनय् दु ।लुखाय् सु छपाँय् धंका तैतल । व लुखां दुहाँ वनेवं हे खन छेलिइ पासाया सीम्ह ग्वतूका तैतःगु । जःखः म्हस्यूपिं सुं मदु सुक्क सुक्क ख्वसः दु । वं पासाया ख्वाः उला स्वत । वया मिखातं ख्वबि हायावल मचायेकं । वं मनं तून ” बिचाः हायेका , सुखावति भुवनय्बास लायेमाः ” वं अन छम्ह मनूयाके न्यन काय् पिं, म्ह्यायपिं ग्वःधकाः ”

तलय् पाखे क्यन वइत । व सरासर तलय् थाहाँ वन । मात नं नं थाहाँ वन । च्वताय् लिक्क क्वथाय् तःसः चिसः सः वइच्वन ।क्वथाय् खापा तिनातःगु । वं ध्वाक्क ध्वाक्कयात । खापा चायेकल । वं खन दुने मनू जायेक दु । स्वम्ह कायपिं नं दुम्ह्याय्पिं नं दु ।

अन ला … व खनेवं तःधिम्ह कायेवं ” का तबाः बाःया बैंक बैलेन्सय् जिगु नं हक दइ कि मदइ रुू तुरन्त कान्छां हालाहल” बाःनं थथे जुइधकाः हे जिगु नामय् संचय् कोषं वःगु धेबा अलेबैक बैलेन्स केहेंचिगु नामय् व जिगु नामय् तैब्यूगु खः केहें बिया छोयेगु जिम्मा फुकं जिं हे तबाः ! ”
” मि ला कर्म कथं…जिं तयगु नि ! ” जेठा जागे जुल ।

थ्व नं बाःनं धैइ दिगु दु ” मि छं तये धासां खर्चफुकं जिं याःधकाः ” कान्छा नं धाल । जेठा व माहिला न्हापा हे भाग कया छें नं पिहाँवपिं जुयाच्वन ।समस्या इगि दिगी मसं । वं “न्ह्याथय् यानासां सहलह याना …” ।

“जेठा व माहिला छत्थुं हाल ” गथे मिले जुइ तबाः थ्व कान्छाचित ला… ।”

वं समस्याया हल क्वमजिइगु खन अले वं सकसितं बिन्तियाना क्वथां पिहाँवल । हानं लुखा खापा धर्याम तित ।

व छेलिइ थ्यन । पासाया सीम्ह च्वं क्वय् देवा पुलु पुलुच्यानाच्वन । पासा तिप्यनाच्वन झ्वंलंका । वं पासायात ज्वजल्यायात अन नं पिहाँवल । पिनय् मनूत हुल हुल दु । व खनेवं छें याम्ह मनू तायेका मनूत व पाखे झुम्मेजुल ” छुंहे सुरसार मदु , न गुठीयारत दु ,न छेंयापिं दु, च्वहे मच्वयेकनिकि छु ?

जि छें याम्ह मनू मखु धकाः जि अन नं सरासर वया । जिगु मिखा न्हाचथें लः लः मधाः । नुगः नं मछिं मजूल ।लँ दुच्छि जिगु न्ह्यने जि कायपिं न्ह्यने वयाच्वन ” जिनं…” न्हाचथें आनं जि छें थ्यंगु हे होस मंत । न्हाच पासाया छें थ्यंगु होस मदु , आः जिगु छेंय् थ्यंगु हे होस मदु , पाःगु थुलि हे ।

Leave a Reply

Your email address will not be published. Required fields are marked *