धरानय् न्वचु कलाया ब्वतिमिपिन्त दसि पाै इन

११३८ बछलागा  तृतीया/धरान

धरान उपमहानगरपालिका ३ नं वडा कार्यालयया ग्वसालय् खड्गी समाज धरानया संयोजकत्वय्  बैशाख १८ व १९ गते निन्हु यंकया न्वचु प्रशिक्षण तालिम क्वःचागु दु ।

धरानया न्हू पुस्तायात थःगु क्षमता व नेतृत्व विकासया नितिं थुकथंया तालिमया ग्वसाः ग्वःगु खः । खःगु इलय् खःगु खँ थासय् तक थ्यंकेया नितिं नवायेगु कलां तसकं तःधंगु भूमिका म्हितिगु खँय् ध्यान तयाः युवा पुस्तायात सशक्त रुपं थःत न्ह्यब्वयेके फयेकेगु लकस ब्वलंकेगु थःपिनिगु अाज्जु जुगुलि‌ं थुकथंया ग्वसाः ग्वयागु खँ अायाेजकं धाःगु दु ।

धरान उपमहानगरपालिका ३ वडाया कार्यकारी अध्यक्ष आशा कुमार श्रेष्ठया नायःसुइ न्ह्याःगु उगु ज्याझ्वलय् मू पाहाँ धरान उपमहानगरपालीका नगर प्रमुख श्री तारा सुब्बां सकल उगु कक्षाय् ब्वति कयादिपिन्त थःगु क्षमता विकास व नेतृत्वय् अझ अप्वः धिसिलाक न्ह्यज्याये फयेमाः धकाः भिंतुना ब्यूसें दसिपौ लःल्हानादीगु खः ।

उगु ज्याझ्वलय् उपप्रमुख श्री मन्जु भण्डारी ,खड्गी समाजया अध्यक्ष मनिष खड्गीया लिसें प्रशिक्षक दोर्प धोज रार्इ व मनिष शाहीजुं नं नुगः खँ तयादीगु खः । उगु प्रशिक्षणय् मुक्कं ३० म्हसिन ब्वति काःगु खः ।

बुखँ व किपाः राकेश खड्गी

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.