दोलखाय् गुँला पर्व महोत्सव जुइगु

११३८ दिल्ला गाः अष्टमी/दाेलखा

नेवाः समूदायया प्राचीन सांस्कृतिक नगरीया भीमेस्वर नगरपालिका अन्तर्गत लाःगु दोलखाय् गुँला पर्वया बिशेष महोत्सवया रुपय् हनेगु ग्वसाः जूगु दु । ऐतिहासिक व सांस्कृतिक सम्पदा‌ं भयबिउगु दोलखा बजाःयात धार्मिक पर्यटनया रुपय् विकास यायेत थ्वहे भाद्र ८ गतेनिसे‌ं दोलखा बजारय् बिशेष गुँला पर्व महोत्सव कथं हनेत्य‌ंगु खँ महोत्सव मूल समारोह येँया सम्पर्क समितिया संयोजक प्रविण प्रधानजुं पत्रकार सम्मेलनस वंगु शुक्रबार जानकारी ब्यूगु दु ।

किपाः कृष्ण नयन श्रेष्ठ

राजधानीपाखें लिक्कसं लाःगु दोलखा बजारयात नेवाः सभ्यताया हे पुला‌ंगु बजाः कथं कयातःगु दु । लिच्छवीकालीन व मल्लकालीन प्राचीन नेपाःया बारे थुइकेत नं थुगु महोत्वस उपयोगी जुइगु विश्वास ग्वसाः खलकं धाःगु दु । गुँला पर्व नेवाः समूदायं लच्छी यंकं थाय्थासय् बाजंया नापं चाहुला याइगु धार्मिक पर्व खः । थ्व दँय्दसं गुँलाथ्व पारुंनिसें ञलाथ्व पारु तक हनेगु पर्व खः ।

पत्रकार सम्मेलनस दोलखाया प्रतिनिधिसभाया सांसद दिव्यमणि राजभण्डारीं महोत्सवया नितिं थःम्ह फू चाःगु गुहाली यायेगु प्रतिवद्धता प्वंकादीगु दु ।

वय्कलं महोत्सवं भुखाचं ध्वस्त यानाब्यूगु दोलखा बजाःया पुनःर्निर्माणय् नं गुहाली जुइगु विश्वास व्यक्त यानादीगु दु ।

ग्वसाः खलकं महोत्सवय् सकसितं सहभागी जुयादीत सकल दोलखालीवासीयात इनाप नं यानादीगु दु ।

बुखँ व  किपाः कृष्ण नयन श्रेष्ठ

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.