दोलखाया म्ह्याय्मचा दावुटी शेर्पां सफलतापूर्वक सगरमाथाया आरोहण यात

११३८ अनलाथ्व पारु

दोलखा राल्वालिङया  म्ह्याय्मचा दावुटी शेर्पां सफलतापूर्वक सगरमाथाया आरोहण यात । लिसे‌  थुगु दँया न्हापांंम्ह मिसा सगरमाथाया सफल आरोहण यानादिम्ह नं वय्कः  जुयादिल। दोलखाया म्ह्याय्मचा दावुटी शेर्पां नेपाःया कफीयात विश्वा न्ह्यःने प्रबर्द्धन व प्रचारप्रसार यायेगु आज्जु ज्वना सगरमाथाया आरोहण याःगु खः । वय्कः शेर्पा सञ्चार समूह नेपाःया केन्द्रीय दुजः नं खः ।

किपाः साभार शेर्पा मिडिया ग्रुप

दावुटीं मकालुया पार्सांङ ग्यालजुंङ शेर्पाया नेतृत्वय् सफलतापूर्वक आरोहण याःगु खः । वय्कलं थ्व नापंयाना स्वक्वःगु खुसिइ सगरमाथाया आरोहण यानादी धुंकूगु दु । पासांग ग्याजुलुंग शेर्पा नं २३ दँया हे खः । दावुटीं  “हाम्रो सगरमाथा हाम्रो गौरव कृषि विकासमा हाम्रो पाैरख” धइगु नारा ज्वना सगरमाथाया  सफल आरोहण यानादीगु खः  ।

दोलखा जिल्लाया विकट गां गौरिशंकर हिमालया मुलयय् च्वंगु सिमीगामय् वि सं २०५१ सालय् वयकःया जन्म जूगु खः । हिमालया मुलय् ब्वलंम्ह जुयाः वय्कःयात मचाबलय्निसें च्वापुगुँ गयेगु मनंतुना दूगु व  आः वया वय्कल‌ं थःगु म्हगस पूवंकूगु खः ।

२०६६ सालय दावुटीं थःगु हे जिल्लाया ब्वनेकुथिं एसएलसी पास यानाः कलेज ब्वनेत येँ वःगु खःसा ब्वनेगुया नापनापं कफी दयेकेगु तालिम नं कयाच्वंगु खः । मितिनी क्याफेपाखें कफी सम्बन्धी तालिम कयाःदिम्ह वयकलं तालिम धुंकाः अन हे ज्या यायेगु अवसर चूलाकादीगु खः ।

छुं दँया तालिम व अन हे ज्याया अवसर चूलाकादीम्ह वय्कलं लिपा थुकीयात हे लजगा दयेकूगु खः । वयक्लं मितिनीया नापनापं मेगु थी थी क्याफेनं प्रशिक्षक कथं ज्या यानादिल । आः वया बौद्धय् थःगु हे लगानी मितिनी क्याफे बौद्ध न्ह्याकाच्वनादीगु दु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.