देवपतनया गंगामार्इ जात्रा क्वचाल

 

ने स‌ं ११३८ दिलाथ्व सप्तमी

झीगु सम्वाददाता

दँयदसँ थें दिल्ला थ्व सप्तमी कुन्हु जुइगु येँया देवपतनया गंगामार्इ जात्रा थौै न्ह्याइपुक क्वचाःगु दु । म्हिगः बहनी पशुपतिया पाला भट्टयाके पशुपति दुने माहाद्यःया उत्तर पाखे च्व‌म्ह ग‌ंगायात फ्वना हयाः आर्यघाटया गंगामार्इ देगलय् विराजमान यागु खः ।

किपाः रेखा शाक्य

म्हिगः हे बहनी होमयाना सुथय् पुजायाना ख्वाः बांलाका छायेपिया तःम्ह गंगायात थौं पुजारी अार्यघाटया ग‌गा‌मार्इया देगल‌ं पितहयाः पशुपतिया बज्रघरया न्ह्यःने दयेकाः तःगु  खतय् तया  विराजमान याःगु खः । लिपा  गुरुजु पल्टन व मेगु बाजंया नापनापं दे चाहुकल ।

किपाः रेखा शाक्य

बज्र छेँ, बनकाली, गौशाला ,जयबागेश्वरीं यंकाः ताम्रेश्वर महाद्यः चाहुइकाः जयबागेश्वरीं दथुत्वाः पशुपति ध्वाखा यंका अन महाद्यःया दर्शन याकाः हानं गनं शुरु जूगु खः अन हे बज्र छेँ थ्यंका जात्रा क्वचायेकुगु खः ।

किपाः रेखा शाक्य
किपाः रेखा शाक्य
किपाः रेखा शाक्य
किपाः रेखा शाक्य
किपाः रेखा शाक्य

गंगामार्इया पुजारी दिनेश पौडेलया धापू कथं देशय् अनिकाल व खडेरी मजुइमाः देशबासी पिन्सं लःया हुनिं दुख कष्ट फयेम्वलेमाः धैगु मनंतुंसे रानी गंगाजु थुकथं गंगामार्इया खः चाहुकेगु प्रथा न्हयाकूगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.