थौं कन्हय् जिगु त्वाः जि‌ं हे म्हमसियाच्वंगु दु

मिरा पाण्डे

११३८ तछलाथ्व अष्टमी

थौं कन्हय् जिगु त्वाः जि‌ं हे म्हमसियाच्वंगु दु

नेपाः देय्या ध्वाँय् मब्वेकिगु जिगु त्वाःलय्

थौ कन्हय् हलिंन्यंकया ध्वाँय् ब्वयेकाच्वंगु दु

थौं जिगु देय् देय् जक मखसें हलिं जुयाच्वंगु दु

थःगु देय्या ध्वाँय् मस्युपिंस

हलिन्यंकया देय्या ध्वाँय् ज्वनाः ब्वाँय् वनाच्वंगु दु

अभावय् तिप्यंनाच्वंगु जिगु देसय्

थौं तःतःधंगु बाजिया लहर चले जुयाच्वंगु दु

कासा म्हिती मेथाय् ,मेपिंस

त्याः बु थन जुयाच्वंगु दु ।

कासामिं कासाय् स्यंकी अले झेल्ला नं याइ

ह्याउँगु म्हासुगु कार्ड थन क्यनाच्वंगु दु

कासां जीवन स्वस्थ याइ अले न्ह्याइनपुकि

तर

थौं ला कासा थन तु‌ं जुयाच्वंगु दु

मसिक मसिकं बाजी तयाः छेँ बुँ बुना च्वंगु दु

उसांय् बालाइ कि मलाइ मस्यु जिं

अथेसां गुलिसिया न्ह्यः सिनाच्वंगु दु

गुलिसिया रक्तचाप तच्वयावंगु दु .

कासा यात कासा मयासे नशा यासेलिं

नशाया सुरय् जु म्हितुसेलिं

जिन्दगीहे जू या खालय् पानाच्वंगु दु

सकुनी, कौरव व पाण्डव हानं दनावसेंलि

पासा हे छाय् म्हितेमाल थन

ख्यःयात हे पासाया शतर‌ंज दयेकुसेंलि

फुटबलया बल यात हे पासाया गोटी खंसेलि

धात्थे छु ल्यं दइ थन मिखां खक्वं यात जू म्हितेगु थाय् दयेकुसेलिं ।

 

साभार ः  मिरा पाण्डेया फेसबुक पाखें

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.