थिमिया मेयर मदनसुन्दर श्रेष्ठयात आक्रमण यात

११३८ बछलाथ्व सप्तमी/थिमि

झीगु संवाददाता

मध्यपुर थिमि नगरपालिकाया मेयर मदनसुन्दर श्रेष्ठयात शनिबाः थःगु छेँ न्ह्यःने हे अज्ञात मनूतय्सं आक्रमण याःगु दु ।

किपा सामाजिक सञ्जाल पाखें

वय्कःया नीजी गाडी तकं तोडफोड याना थःकूगु खँ धाःगु दु । घाःपाः जूम्ह मेयर श्रेष्ठयात म्हिगः हे मध्यपुर अस्पताल यंकूगु खः । वय्कःया उपचारय् संलग्न चिकत्सिकपिन्सं तुतिइ घाः पाः जूगु खःसां वय्कः खतरामुक्त दुगु खँ धाःगु दु ।

किपा प्रदीप शाक्यया फेसबुक पाखें

वय्कःयात म्हिगः जूगु आक्रमणया कारणं थौं आइतबाः मध्यपुर थिमि नगरपालिकाया कर्मचारीपिन्स वडाय् पेनडाउन याःगु दु । अज्ञात आक्रमणकारीतय्त मालेगु ज्या जुयाच्वंगु दु ।

शनिबाःया दिनस नगरपालिका क्षेत्रया विकास निर्माणया ज्याया अनुगमन व नेपाल कोरिया मैत्री अस्पतालया कार्यकारी समितिया बैठकय् ब्वति कयाः थःगु नीजी गाडी च्वना छेँ लिहाँ वयेगु झ्वलय् उकथं आक्रमण जूगु खँ मध्यपुर थिमि नगरपालिकां पितब्यूगु प्रेश विज्ञप्ति न्ह्यथना तःगु दु ।

मेयरया उसाँय् याकनं भिंनेमाः धकाः मनंतुनेगु लिसें दोषीयात याकनं मालेगु ज्यायाना कारवाही यायेत सरकारयात इनाप नं याःगु दु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

%d bloggers like this: