थाैं सेमिफाइनल कासाय् नं गाेलया बर्षा जुइला ?

 

११३८ तछला गाः द्वादशी

सेन्ट पिटर्सवर्ग (रुस),असार २५ गते । फ्रान्स व बेल्जियमया आक्रामणया विचाः यायेगु खःसा निगू छिमेकी देय् दथुइ मंगलबाः जुइगु विश्वकप २०१८ या न्हापांगु सेमिफाइनल कासाय् गोलया वर्षा जुइ मखु धकाः धाये फइगु अवस्था मदु । विश्वकपय् थ्व निगू टिमया दथुया लिपांगु कासां थ्वहे संकेत याःगु दु । सन् १९८६ या विश्वकपय् थुपिं निगू टिम स्वंगूगु थाय्या नितिं म्हितुगु खः । गुगु कासाय् फ्रान्सं बेल्जियमयात ४–२ गोलं बुकुग खः ।

थ्व धुंकाः थ्व निगू देय् दथु प्रतिस्पधात्मक कासा जुगु मदु । अथेसां थ्व निगू देय् दथुइ च्याक्वः अन्तर्राष्ट्रिय मैत्री कासा धाःसा जुगु दु । गुकिइ बेल्जियमं निक्वः त्याःगु व लिपांगु कासाय् नं बेल्जियम हे त्याःगु खः । स्वदँ न्ह्यः फ्रान्सय् जुगु कासाय् नं बेल्जियमं फ्रान्सयात बुकुगु खः । बेल्जियमं स्वंगू गोल अग्रता काःगु कासाय् बल्लतल्ल ४–३ गोलं कासा थःगु ल्हातय् लाकुगु खः ।

विश्वकप २०१८ य् फ्रान्स दक्कलय् क्वकालिपिं दुथ्यागु निगूगु टिम खः । युवा जोशं जाःगु टिम फ्रान्स आः तकया कासाय् छुं हे ग्याः चिकु व दवाव क्यंगु मदु । थ्वहे हुनिं फ्रान्स सन् २००६ लिपा न्हापांगु खुसिइ सेमिफाइनल म्हिते त्यंगु दु । फ्रान्सया च्वछायेबहःपिं कासामि कथं १९ दँ या विलियम एम्बापे दु । अथेहे, डिफेन्डर बेन्जामिन पवार्ड व लुकास हर्नान्डेज नं युवा खःसां अनुभव कम जक दुपिं खः । अथेखसां थुमिसं कासाय् प्रभाव क्यने धुंकुगु दु ।

पवार्ड धाःगु दु – जिपिं सुं नापं मग्या, न्हापांनिसें हे आत्मविश्वासी खः । प्रशिक्षक डेस्चां नं टियमात दवाव ब्यूगु मदु । फ्रान्सं सन् १९९८ या विश्वकप व सन् २००० या युरोकप त्याकुबलय्या छमम्ह कासामि डेस्चां न्ह्याबले टिमया मनोबल थकायत अर्ति, उपदेश न्यंकाच्वनि । जिपिं प्रशिक्षकलिसें थ्व युद्ध त्याकेत तयार दु ।

कासाया इलय् नं प्रशिक्षक डेस्चां थाकुगु तर स्यल्लागु निर्णय याःगु दु । पवार्डयात जवय् व हर्नान्डेजयात खवय् म्हितकेगु प्रशिक्षकं याःगु ग्यानापुगु निर्णय खः । २२ दँयापिं थुपिं निम्ह कासामितय्गु कुल अन्तर्राष्ट्रिय कासा ल्याखाय् बलय् २० गु जु वः ।

अथेहे, फ्रान्सया विपक्षी बेल्जियम टिमया नं थौकन्हे अत्तिकं बय्बय् जुयाच्वंगु दु । टिम जक मुख प्रशिक्षक नं । प्रशिक्षक रोबर्टो मार्टिनेजं स्टार कासामिपिं नापं हयाः छगू शक्ति दयेकुगु धकाः प्रशंसा जुयाच्वंगु दु ।

सन् २०१६ अगष्टं टिम सम्हालय् याम्ह मार्टिनेजं न्हापांगु कासाय् स्पेननाप २–० गोल बुगु खः । थ्व धुंकाः बेल्जियम अपराजित यात्राय् दु । गुगु यात्रा २३ क्वःकासाय् थ्यंगु दु । थ्वहे दथुइ बेल्जियमं ७८ गु गोल नं याःगु दु । थुकिइ मध्ये छगूगु कासाय् जक गोल याये मफुगु खः । फ्रान्सया पूर्व स्ट्राइकर थियरी हेनरी सहायक प्रशिक्षकया कथं दया नं बेल्जियमया अग्रपक्तिंयात फाइदा खने दु । न्ह्यानाच्वंगु विश्वकपय् बेल्जियमं दकलय् उप्व १४ गू गोल थ्वाये धुंकुगु दु ।

हेनरीं टिमया आक्रमण यायेगु इच्छा पिब्वयकाब्यूगु दु । फ्रान्स फुटबल संघया अध्यक्ष नोयल लि ग्रायटं हेनरीया प्रभावया बारे थथे धाःगु खः ।

मार्टिनेजया रणनीतिं नं विश्वकपय् ज्या यानाच्वंगु दु । अन्तिम १६ य् जापाननाप निगू गोलं ल्यूने लानाच्वंगु स्थितिई मार्टिनेजं निम्ह मिडफिल्डरया सट्टा लङ्ग पास म्हितिपिं निम्ह कासामी परिवर्तन याःगु खः । निम्हेसियां गोल याना बेल्जियमयात नाटकीय ढंग त्याकल ।

न्हापांगु सेमिफाइनल कासाया नतिजां बेल्जियमया गोलकिपर टिबाट कोर्टियस व फ्रान्सया नम्बर एक ह्यूगो लोरिसया कासाय् भर परेजुइ । न्हापा फ्रान्स व टोटन्हमया लागि छुं छुं गल्ती मयागु मखु । गुकिं वयागु आलोचना न जुगु खः । अथेखसां थुगु विश्वकपय् लोरिस शानदार फर्मय् दु । विशेष याना उरुग्वे विरुद्धया क्वाटर फाइनल कासाय् वं प्रशंसनिय प्रदर्शन यात ।

बेल्जियमयात कासामिया हाइटया फाइदा दु । स्ट्राइकर जक मखु डिफेन्डरपिं भिन्सेन्ट कोम्पानी, जान भोर्टेन्गेन व मारुआनी फेलानी नं हेड गोल यायेत खप्पिस पिं खः । बेल्जियमया गोलकिपर कोर्टियसयात विश्वकपया सर्वश्रेष्ठ गोलरक्षक कथं नालाच्वंगु दु । ब्राजिल विरुद्धया वयागु गोलरक्षक नं शानदार दु । फ्रान्सया गोलरक्षक ओलिभर जिरु नं थःगु टिमया गोलरक्षक लोरिस स्वयां कोर्टियोस बालाम्ह गोलरक्षक खः धकाः धाःगु दु । जिरु व कोर्टियर निम्ह छगूहे क्लब चेल्सी म्हिति ।

जिरुं धाःगु दु कि निम्ह दक्कले बालांपि गोलरक्षक खः तर ह्यूगो अझ विस्फोटक खनेदु । ह्यूगो सर्वश्रेष्ठ गोल रक्षक खः ।

मुनियर कासां पिने

बेल्जियमं फ्रान्स विरुद्धया कासाय् डिफेन्डर थोमस मुनियर बिना म्हिति । लिपांगु कासाय् बेल्जियमया आक्रमणय् वयागु भूमिका नं महत्वपूर्ण जुगु खः । डिफेन्डर खसां मिडफिल्डरया ज्या नं याइम्ह खः । ब्राजिल विरुद्धया कासाय् नेयमारयात फल यागुलिं दोहोरो म्हासुगु कार्डया कारवाहीलय् लाःगु खः । मुनियरया अनुपस्थितिइ मार्टिनेजं ३–५–२ या रणनितियात बन्द याइगु सम्भावना दु । गुकिइ फ्रान्स नापया कासाय् डिफेन्सीभ रणनीति नालेफु ।

फरवार्ड हजार्ड डिफेन्सय्नं

स्टार फरवार्ड इडेन हजार्डया म्हसिका थःगु सिर्जनात्मक कासा व गोल यायेगु तरिका खः । अथेखसां चालू विश्वकपय् फरवार्डं कुहाँ वया डिफेन्सयात नं यक्व ग्वाहालि यानाच्वंगु दु । तेज गति, तुति याकन संकेफुम्ह, बलय् नियन्त्रण याये फुम्ह व याकन थःगु दिशा परिवर्तन यायेफुम्ह जुगुलिं विपक्षीतयसं वयातं निगरानी यायेत सिकहे थाकुयाच्वंगु दु ।

एम्बापेया खतरा

फ्रान्सया प्रमुख स्ट्राइकर जिरुं आतक छगू गोल हे याये फयाच्वंगु मदु । वयागु क्षमता फ्रान्सया फुटबल म्हितिगु शैलीयात न ल्वः । अथेखसां व गोल मयासां एम्बापे व एन्टोनियो ग्रिजम्यानया लयनं फ्रान्सया मनोबल उच्च दु । जिरुं थुपिं निम्हेसित खुल्ला रुपं म्हितेत थाय् सिर्जना नं यानाच्वंगु दु ।

एम्बापे मुख्य रुपं खवं वया बल गोलपोष्ट तक यंकेत माहिर खनेदु । वयागु मुख्य ताकत धयागु वयागु गति खः गुकिइ अजेन्टिनाया डिफेन्स छिन्नभिन्न जुगु खः । एम्बापें फ्रान्सया स्टार जिनेदिन जिदानयात ल्यूने लाकेत आः छगू गोलया आवश्यक दु, वं फ्रान्सया नितिं ३१ गू गोल याये धुंकुगु दु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.