थाैं जुइगु कासाया चर्चा परिचर्चा

११३८ तछला थ्व चाैथी /रोस्टोभ–न–डन (रुस)

वंगु विश्वकपय् जर्मनीनाप सेमिफाइनलय् बेहोरेयाःगु ७–१ या लज्जास्पदक पराजयया पिडा ल्वमंकेत ब्राजिलं पियाच्वंगु ई प्यदँ दत । थःगु मैदानय् अपमानजनक हार धुंकाः लोकप्रिय प्रशिक्षक टिटें छुं कासामियात लिकया न्हूगु स्वरुपया टिम दयेकल । नेमारया जक हे भलसा कायेगु मस्वल ।

गुकिया लिच्वः ब्राजिलं छनोट कासाय् लुइकेधुंकुगु दु । न्ह्यानाच्वंगु विश्वकपय् छनोट जूगु न्हापांगु राष्ट्र खः ब्राजिल । दक्षिण अमेरिकी छनोट चरणय् निगूगु स्थानय् लाःगु उरुग्वेयात १० अङ्कं ल्यूने लाकाः विश्वकपय् थ्ग्यंकेव‌   ब्राजिलया फर्म सिइके अपुल । थ्व पालय् ब्राजिलयात दावेदारया सूचीइ दकलय् च्वये तयातःगु दु । कारण खः – छनोट चरणय् १७ गू कासाय् अपराजित ब्राजिलं अर्जेन्टिनायात नं ३–० पराजित याःगु दु । अझ चोटं शंकाया घेराय् लाम्ह नेमार फिट जुइवं ब्राजिलया मनोबल उच्च जूगु दु ।

किपाः एपी

दकलय् अप्वः न्याक्वः तक विश्वकप विजेतया ब्राजिलं थ्व पालय् च्याम्पियन जुइगु अभियानय् दकलय् न्हापां थौं स्विट्जरल्यान्डलिसे सामना यायेत्यंगु दु । प्रशिक्षक टिटें हाकनं तयार याःगु टिमया ग्यसुलागु दसू गाब्रियल जेसस खः । म्यान्चेस्टर सिटीया २१ वर्षीय मिडफिल्डर जेसस प्यदँ न्ह्यःया विश्वकप जूगु इलय् थःगु टिमया समर्थनय् लाकां मन्ह्यासे सतकय् वःगु खः ।

आः व ब्राजिल टिमया महत्वपूर्ण दुजः जुइधुंकल । छनोट कासाय् जेससं न्हय्गु गोल याःगु खः । टिटें नेमार, काउन्टिन्हो, कासिमेरो, पाउलिन्हो व विलियन थें ज्याःपिं कासामित दुथ्याकाः सेमिसर्कल दयेका ४–३–३ को संरचनाय् जेससयात सेन्टर फरवार्डय् म्हितकूगु दु । डानिलो, थिएगो सिल्भा, मिरान्डा र मार्सेलो थें ज्याःपिं डिफेन्डर दुसा गोलरक्षकय् एलिसन जुइ ।

तर ब्राजिलया लागि स्विट्जरल्यान्ड सहज प्रतिद्वन्द्वी धाःसा जुइमखु । स्वीटजरल्याण्डं निगू स्वंगू कथं कासा म्हितिगु संभावना दु उकिं उमिसं गथे याना म्हिति धकाः न्हापां हे अनुमान याये अपु मजू । प्रशिक्षक भ्लाडिमिर पेटेकोभिचया टिम स्विट्जरल्यान्ड लगातार प्यक्वःगु खुसिइ विश्वकपय् म्हितेत्यंगु दु । वं ६४ दँय् न्हापांगु खुसिइ क्वाटरफाइनलय् थ्यंकेगु लक्ष्य नं कयाच्वंगु दु ।

वंगु दँय् अर्जेन्टिनानाप थप जूगु इलय् गोल नयाः स्विट्जरल्यान्ड अन्तिम  ८ य् थ्यंकेत असफल जूगु खः । स्विट्जरल्यान्डं युरोपेली छनोटय् १० मध्ये ९ गू कासा त्याकाः थःगु क्षमता सावित याये धुंकूगु दु । फिफा वरीयताय् आः स्वीटजुल्याण्ड ६ गू स्थानय् दु । गुगु ब्राजिल स्वयां मात्र ४ गू स्थानं क्वये खः ।

स्विट्जरल्यान्डया टिमय् गोल यायेफूपिं कासामितय्गु बाहुल्य दु । स्विट्जरल्यान्डलया छनोटय् २३ गोल फरक १४ कासामिं पाखें प्राप्त जूगु खः । प्रशिक्षक पेट्कोभिच मिडफिल्डय् कासामि ब्वयेत नुगः क्वःसाम्ह खः । वयागु रणनीतिइ बेन्फिकाका हारिस सेफेरोभिच एक्लो स्ट्राइकरया रुपय् दयाच्वनी । मैदानया निगू किनाराय् विन्गरपिं स्टिभन जुबेर व जर्दान साकिरीं म्हितिइ ।

विश्वकपय् थुपिं निगू टिमया लिपांगु इलय् सन् १९५० य् भिडन्त जूगु खः । गुगु कासा २–२ या बराबरीइ सिधःगु खः ।

किपाः एपी

मस्को, असार २ गते । विश्वकपय् म्हितिबलय् जर्मनीया टिमय् न्ह्याबलें प्रतिभाशाली कासामिया भरमार दयाच्वनी । थ्व पालय् नं स्थिति अज्यागु हे जुइ । इङ्लिस प्रिमियर लिगय् वर्षया उत्कृष्ट उदयीमान कासामिया अवार्ड काम्ह लेरोई साने जर्मनीया टिमय् मलाःगु खँ थ्व खँयात पुष्टि याइ ।
तर थुगुसि जर्मनीया समस्या धइगु थुपिं दक्वं प्रतिभाशाली कासामि एकजुट जुया म्हिते मफैगु खः । वंगु ६ गू मैत्री कासाय् जर्मनीं मात्र छगू कासा त्याःगु दु । व नं तुलनात्मक रुपय् कमजोर धयातःगु सउदी अरबविरुद्ध । वंगु दँय् विश्वकप त्याःगु इलय् १० म्ह जक आः जर्मनीया २३ म्ह दुजः पुचलय् दु । । यद्यपि आः टिमय् युलियन ब्राट व टिमो वेर्नर थें जाःपिं क्षमता दुपिं कासामिपिं दु ।
जर्मनीं थौं विश्वकप उपाधि रक्षाअन्तर्गत थःगु न्हापांगु कासाय् मेक्सिकोविरुद्ध म्हितेत्यंगु दु । वंगु दँय् रुसय् हे जूगु कन्फडरेसन्स कपया सेमिफाइनलय् थुपिं निगू टिम म्हितुगु इलय् जर्मनीें मेक्सिकोयात ४–१ ले पराजित याःगु खः ।
मेक्सिको विश्वकप छनोटय् थःगु पुचलय् न्हाप लाना चयन जूगु खः । तर छुं बांलागु प्रतिदन्दीनाप नं बूगुलिं मेक्सिकोया समर्थकपिं थःगु टिमप्रति ढुक्क नं जुइफयाच्वंगु मदु ।
थुपिं निगूलिं टिम समूह एफ पाखें नकआउट चरणय् थ्यंकेगु नितिं दावेदार पुचः खः । तर थ्व पुचः पाखें समूह विजेता जुइगु नं तःधंगु खँ जुइ । समूह जी इ ब्राजिल शीर्ष स्थानय् लाइगु सम्भावना अप्वः दुगु

लिं समूह एफय् उपविजेतां प्रिक्वाटरया फाइनलय् ब्राजिलनाप म्हितेमालिगु जुइफु ।

नाभासया टिम कोस्टारिका व सर्विया दथुइ कासा जुइगुङ
सामारा (रुस) । सेन्ट्रल अमेरिकाया टिम कोस्टारिकां विश्वकपया नितिं सेन्ट पिटर्सवर्गय् न्हापांगु खुसिइ अभ्यास याःगु इलय् सयौं उत्सुक समर्थक अन थ्यंगु खः । तर उपिं सकसिगु मिखा छम्ह हे जक कासामिइ जक तक्यन । व खः कोस्टारिकाया गोलरक्षक केलर नाभास । उगु अभ्यास कासा धुंकाः नाभासं छम्ह भाग्यमानी मनूयात थःगु नं जर्सी बिल ।

वंगु दँया विश्वकपय् कोस्टारिका ‘जायन्ट किलर’ कथं न्ह्यःने वःगु खः । कोस्टारिकां क्वाटरफाइनल तकया यात्रा याःबलय् मुख्य नायक नाभास हे जुल । नेदरल्यान्ड्सनाप टाइब्रेकरय् बुइधुंकाः जक कोस्टारिकाया विश्वकप यात्रा सिधःगु खः । उगु इलय् गोल्डेन ग्लोभ्सया दावेदारय् नाभास नं दुगु खः । आः नाभास झन हे बांलाम्ह कासामि जूगु दु । रियल म्याड्रिडया न्हापांगु रोजाईया गाेलरक्षक नाभास हालय् च्याम्पियन्स लिग त्याका विश्वकपय् म्हितेत वःम्ह खः । कोस्टारिकाया थ्व न्याक्वःगु सहभागिता खः । कोस्टारिकां थौं सर्वियाविरुद्ध म्हिता विश्वकपया शुरुवात यायेत्यंगु दु ।

तत्कालीन युगोस्लाभियापाखें छुटे जुया बने जूगु देश सर्वियायात प्रशिक्षक माडेन क्राजिचं तःधंगु टिम दयेके धुंकुगु दु । गुकिइ डिफेन्डर ब्रानिस्लाभा इभानोभिच, मिडफिल्डर नेमान्जा माटिच थें जाःपिं विश्वंं म्हसिउपिं कासामिपिं दु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.