तिसा न्यानाः सिरपाः नं दइगु

११३८ चिल्लागा पारु/यल

यलया न्हापांगु ज्वेलरी शो रुम गोल्डन डायमन्ड एन्ड ज्वेलरीया ग्वसालय् यलय् लुँ व हिराया तिसा ज्वलंया ब्वज्या गोल्डन डायमन्ड मेला २०७४ जुइगु जूगु दु ।

गोल्डन डायमन्डं थौं यलय् पत्रकार सम्मेलनया ग्वसाः ग्वसें सच्छि व ८क्वःगु नारी दिवसया लसताय् तिसा ब्वज्या यायेत्यनागु जानकारी बिल । तिसा ब्वज्या यलया मंगलय् वइगु फागुन २३ गतेनिसें २७ गतेतक्क जुइगु धाःगु खः ।

‘थौंया नारी परीवर्तनकारी, इतिसं तिइ गोल्डन डायमन्ड ज्वेलरी’ धइगु नारालिसें जुइत्यंगु ब्वज्याय् छ्यनंनिसें तुतिइतक्क तीगु सकतां तिसात दइगु धाःगु दु । परम्परागत लिसें आधुनिक व मिश्रित डिजाइनया लुँ व हिराया तिसा न्यायेफइगु ग्वसाः खलकं न्ह्यथंगु दु ।

ग्यारेन्टि कार्ड कथं छुं स्यंसा सितिकं मर्मत यानाबीगु नीति कम्पनीया दुगु नं धाःगु दु । ब्वज्याय् वइपिनिगु नितिं तिसाय् छुट, ज्याला छुटया लिसें तिसा न्याइपिं सकसितं गिफ्ट ह्याम्पर नं बीत्यंगु दु ।

तिसा न्याइम्ह छम्हेसित सिरपाःया तकं व्यवस्था दुगु ग्वसाः खलकं जानकारी ब्यूगु दु । मेलाया लिपांगु दिनय् छम्हेसित लक्की ड्र मार्फत विशेष सिरपाः बीगु जूगु दु ।

नवविवाहित छगू जोडियात २ चा व ३न्हुयागु हनिमुन प्याकेजया नं व्यवस्था दुगु पत्रकार सम्मेलनय् धाःगु खः ।

नारी दिवसया झ्वलय् जुइगु उगु हे मेलाय् न्याम्ह मिसापिन्त सम्मान नं याइगु जूगु दु । प्रहरी, पत्रकारीता, कलाकारीता, समाजसेवा व उद्यम ख्यलय् योगदान ब्यूपिं न्याम्ह मिसापिन्त सम्मान यायेगु ग्वसाः खलकं न्ह्यथंगु दु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.