तिपु जिवन सुथां लाकेत सेक्सया तुरन्त लिपा छु छु यायेमज्यु

सेक्सलाइफ क्वातुकेत वा बांलाकेत सेक्सया इलय् वया वयां न्ह्यः छु छु यायेमा धकाः यक्वसिनं बिचाः याइ । तर अप्वसिनं सेक्सया तुरन्त लिपा छु यायेमाः, छु याये मजिउ धयागु खँय् ध्यान बीमखु । अले सेक्स धुनेवं थज्यागु ज्या यानाबी, गुकिं सेक्सया विशेष क्षण छुं लबः काये फइमखु । उकिं सेक्सया तुरन्त लिपा छु छु यायेमज्यु धयागु थन न्ह्यथना–

तुरन्त द्यनेगु
थ्व समस्यां अप्वःथें तिपू पीडित जूगु दइ । अप्वः थें तिपू स्वापू तये सिधयेवं निम्हय् छम्ह वा निम्हं द्यनेगु याइ । थथे जुलकी व ईया बांलाक इन्ज्वाइ याये खनी मखु गुकिं छुं ई न्ह्यवतक न्ह्यइपुका च्वंगु खः । सेक्सया तुरुन्त लिपा द्यनेगु पलेसा रोमान्टिक खँल्हाबल्हा सेक्स लाइफया निंतिं बांलाइ ।

सेक्स धुंकाः वाशरुम वनेगु
सेक्सया तुरन्त लिपा वाशरुम वनेगु याइ । सेक्सया इलय् निम्हं प्यासां छुं वास्ता याइमखु, तर सेक्स धुनेवं वाशरुम वने हथाये चाइ । थज्याःगु बानीं नं तापाक च्वनेमा । छिगु पार्टनरया हाकनं स्वापु तयेगु इच्छा दनिला, थ्व खँ सिइकेमा । सेक्स याये धुनेवं वाशरुमय् वन धाःसा छिगु पार्टनरयात सेक्सया इलय् छुं कमी जक जुलला धयागु चिउताः जुइफु । गुकिं सेक्सलाइफय् पंगः वयेफु । वने हे माःसा निम्हं नापं वनेगु, अले नापं सावर कायेगु याःसा अझ रोमाञ्चक जुइ ।

सेक्स धुंकाः ब्वनेगु
सेक्सया इलय् सुनां छु बिचाः याइ धाये फइमखु । सेक्स धुंकाः स्टडी रुमय् वनेगु वा छुं कथंया सफू ब्वनेगु यात धाःसा ला छिं सेक्सया इलय् इन्ज्वाइ मयाः धकाः तायेकी । सफू ब्वनेगु पलेसा पार्टनरलिसे मतिनाया खँ ल्हानाः उगु क्षणया नं इन्ज्वाइ यायेगु हे बेस जुइ । सेक्सलाइफय् वइगु समस्या पाखें ताःपाक च्वनेगु निंतिं त्यान्नुसातबि फोरप्ले यानाः थः पार्टरनयात अझ अप्व इन्ज्वाइ याकेगु कुतः याये ।

मस्त नाप द्यनेगु
गुलिखेसिया मस्त लिक्क थ्यनेगु बानी दइ । सेक्सया तुरन्त लिपा मचायात थःलिक्क थ्यनेगु यात धाःसां नं सेक्सलाइफय् पंगः वयेफु । छि पार्टनरयात अझ छुं भचा रोमान्टिक ज्याखँ यायेगु मन दयाच्वंगु दयेफु । उकिं सेक्सया तुरन्त लिपा मचानाप द्यंवन धाःसा पार्टनरया मुड अफ जुइफु ।

फोनय् ध्यान बीगु
सेक्सया इलय् वा तुरन्त लिपा छिगु पूवंक ध्यान छि पार्टनरपाखे हे दयेमाः । सेक्सया इलय् वा सेक्स लिपा वइगु फोन वा मेसेजया लिसः बिइगु याये मजिउ । थथे यातकी छिगु पार्टनरं थःत बांलाक वास्ता मयाःगु तायेकी ।

नसा नयेगु
सेक्स याये न्ह्यः थः पार्टनर नापच्वनाः नये–त्वने यायेगु तसकं रोमान्टिक जुइ । तर, सेक्सया तुरन्त लिपा किचेनय् वन धाःसा व थें अनरोमान्टिक छुं जुइमखु । थुकिं नं छिं सेक्सय् उलि इन्ज्वाइ मयाःगुु अले छिगु ध्यान नये–त्वने पाखे हे जक दुगु थें तायेकी ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.