तत्कालया नितिं पत्रकार आशाकाजि महर्जनयात ग्वाहाली लः ल्हात  : दीर्घकालीन लँपु मालेनु

ने सं ११३९ थिंलाथ्व पारू, येँ ।

झीगु सम्वाददाता

म्हिगः नेवाः पत्रकार राष्टिय दबूपाखें येँ छगू अनौपचारिक ज्याझ्वः यासें मृगौला ल्वचं पीडित पत्रकार आशाकाजि महर्जनयात ग्वाहालि यायेगु अभियान न्ह्याकूगु दु । मृगौला ल्वचं पीडित पत्रकार आशाकाजि महर्जनयात थी थी ग्वाहालिमि नापं संघसंस्थां म्हिग ५९ हजार तत्काल मुंगु धेवा लल्हागु ख । अथेहे ग्वाहाली याये धकाः बचं व्यूगु १७ हजार याना मुक्क ७५ द्व दां थुगु ज्याझ्वःलय् मुंगु खः ।

किपा शरण ज्यापु हरि

नायः श्रीकृष्ण महर्जनया नायोसुइ जूगु उगु ज्याझ्वलय् ३ नम्बर प्रदेशया सांसद राजेश शाक्य, नेवाः न्ह्यलुवा पवित्र बज्राचायं आशाकाजि महर्जनयात आर्थिक रुपं ग्वाहालि यायेगु थुज्वःगु ज्वःमदुगु ज्यायात मदिक्क यासे पत्रकार पासापिन्त ग्वहालि यायेत नितिं अक्षयकोष हे दयेका वनेमाःगु खँय् बः बियादिल ।

किपा शरण ज्यापु हरि

https://www.facebook.com/rajendra.manandhar.7906

मृगौला ल्वचं पीडित पत्रकार आशाकाजि महर्जनं थः विगत २८ दँ न्ह्यवंनिसें थी थी सञ्चार गृह पाखें पत्रकारिता याना वयाच्वनागु खँ कनादिल । २०७४ सालनिसें मृगौलाया ल्वचं ग्रस्त जुजु निरन्तर रुपं वासः यायेत थाकुयावगु यात छुं भचासां पाासपिनिगु ग्वाहालिं थःगु आत्मविश्वास अप्वया वःगु खँ कनादिल ।

किपा शरण ज्यापु हरि

छुं नं ल्वचं कइगु धइगु सुयातं यइगु व बांलागु अवश्य नं मखु । अथे खयानं जुइ धुंकाः उकिया उपचार यायेगु हे झीगु नितिं न्हापांगु लँपु खः । पत्रकार आशाकाजीया ल्वय्यात तत्कालया नितिं उपचारया जक लँपु लुइकेगु मयासें वइगु दिनय् उगु ल्वय् पाखें ब्वलनिगु सम्भावनाया लँपुयात हे चिइकेगु पाखे छपला न्ह्याना बिचाः यायेमाःगु अवस्थाया आवश्यक जु । उकिया नितिं किड्नी फेरेयाये मालिगु अवस्था तकया दीर्घकालीन लँपुयात तिफ्याये माःगु बिचाः यासें वइगु दिनय् थुकिइ पलाः न्ह्याकेगुपाखे ग्वाहाली समितिं बिचाः यायेमाः धैगु “झीगु डट कम” मान्यता दु ।

 

 

 

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.