डिजिटल नेपाल वर्ष हनीग

११३८ सिल्लाथ्व अष्टमी/येँ

सूचना तथा संचारमन्त्री मोहनबहादुर बस्नेतं सरकारं डिजिटल नेपाल वर्ष हनेगु तयारी यानाच्वंगु धयादीगु दु ।

थौं येँय् क्यान इन्फोटेक मेलाया उलेज्या यासें संचारमन्त्री बस्नेतं न्हूगु प्रविधीलिसें नेपाःयात न्ह्यःने यंकेगु व नेपाःमियात प्रविधीमैत्री दयेकायंकेगु आज्जुं डिजिटल नेपाल वर्षया तयारी न्ह्याःगु धयादिल ।

वय्‌कलं देय्‌या न्हय्‌गुलिं प्रदेशया १४ जिल्लायात पाइलट प्रोजेक्टया रुपं विकास यायेगु योजना नं सार्वजनिक यानादिल ।

थीथी राष्ट्रिय अले अन्तर्राष्ट्रिय सूचना व प्रविधीलिसे सम्बन्धित २२२ स्टललिसें थौंनिसें येँया भृकुटिमण्डपय् क्यान इन्फोटेक २०१८ न्ह्याःगु खः ।

मेलाय् कम्प्यूटर हार्डवेयर, सफ्टवेयर, मोबाइल फोन व एस्सेसरीज, इन्टरनेट सेवा प्रदायक आदिया स्टलत दु । मेला ६न्हुतक्क न्ह्याइ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.