डल्लु आवासय् विकासया ज्यात निरीक्षण

११३८ पोहेंलागा एकादशी/येँ

येँ क्षेत्र ८ प्रतिनिधि सभा सदस्य जीवनराम श्रेष्ठं डल्लु आवास क्षेत्रय् दयेकेत्यंगु ईन्टरनेशनल मल्टिपरपोज बिल्डिंगपाखें आवास क्षेत्र दथुइ हे नमूना आवास क्षेत्र जुइगु धयादीगु दु ।

डल्लु आवास क्षेत्रया विकास कार्यया निरिक्षण यासें श्रेष्ठं मल्टिपरपोज बिल्डिंगपाखें आवास क्षेत्रया विकासय् तःधंगु हे उपलब्धी जुइगु धयादिल ।

थुगु हे निरिक्षणया ज्याय् थ्यंम्ह रेञ्जर रेजिमेन्टया रेजिमेन्टपति महासेनानी अनुप जंग थापां डल्लु आवास क्षेत्र धात्थेंया व्यवस्थित आवास क्षेत्र जुयाच्वंगु खँय् च्वछानादिल ।

डल्लु आवास क्षेत्रयात सुविधायुक्त नमुना आवास क्षेत्र दयेकेत डल्लु आवास स्थानीय सहयोग समितिं कार्यपत्र दयेकाः विकासया ज्यात धमाधम याना वयाच्वंगु दु । स्थानीय, प्रदेश व प्रतिनिधी सभाया निर्वाचन धुंकाः थनया विकासयात अझ शसक्त दयेकेत समितिं प्रतिनिधि अले स्थानीय सरकारया प्रमुखलिसे नं मदिक्क सहलह यानाच्वंगु दु ।

थुगु क्षेत्रय् ईन्टरनेश्नल मल्टिपरपोज बिल्डिंग, लँया जिर्णाेध्दार, डिपबोरिंग, पार्क दयेकेगु ज्यात निरिक्षण यायेत समितिया नायः राजा शाक्यया पहलय् सभासद् जीवनराम श्रेष्ठ, महासेनानी थापा, वडाध्यक्ष ईश्वरमान डंगोललिसें थुगु क्षेत्रया प्रबुद्ध व्यक्तिपिं थ्यंगु खः ।

Share this...
Share on Facebook
Facebook
Tweet about this on Twitter
Twitter

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.