ट्राफिक जाम म्हो यायेत पिकअप एण्ड ड्रप सिस्टम लागू जुइगु
यात्रुवाहक सार्वजनिक सवारी साधनत अनावश्यक पार्क यानाः यात्रु पिइगुलिं यानाः येँय् रत्नपार्क, सहिदगेट जःखः अप्वःयानाः ट्राफिक जाम जुइगु याः ।
आः वइगु पुस १ गतेनिसें न्हापांगु चरणकथं उगु थासय् यात्रुवाहक सवारी साधनं यात्रु अथे यानाः पिइ मदइगु अले पिक एण्ड ड्रप जक यायेदइगु जूगु दु । अप्वः धइथें ट्राफिक जाम जुइगु थासय् पिक एण्ड ड्रप जक व्यवस्था यायेगु सिस्टम सुरु जुइत्यंगु खः ।
थुकिया नितिं येँ महानगरपालिकाया मेयर विद्यासुन्दर शाक्यया पहलय् थ्व सम्बन्धी संयन्त्र दयेकूगु दु । थ्व संयन्त्रं येँ महानगरय् पिक एण्ड ड्रप सिस्टमया विकास यानाः येँ महानगरयात ट्राफिक जामपाखें मुक्त सहर दयेकेगु योजनाय् येँ महानगरपालिकाया मेयर विद्यासुन्दर शाक्य सक्रिय जूगु दु ।
मेयर शाक्यया सक्रियताय् थ्व लागाया सम्बन्धित निकायपाखें नं ग्वहालि यायेगु धकाः सभागृहया मेयर भेटघाट कार्यकक्षय् जूगु छगू ज्याझ्वलय् ऐक्यबद्धता प्वंकूगु दु । उमिसं छवाः दुने उकिया तयारीया नितिं अध्ययन पूवंकाः पुस १ गतेनिसें हे पिक एण्ड ड्रप सिस्टम लागु यायेत्यंगु दु ।
ज्याझ्वलय् येँ महानगरपालिकाया प्रमुख प्रशासकीय अधिकृत यादवप्रसाद कोइराला, येँ महानगरपालिकाया सह–सचिव डा. टोकराज पाण्डे, यातायात व्यवस्था विभागया महानिर्देशक लावण्य ढकाल, महानगरीय प्रहरी कार्यालय रानी पोखरीया प्रहरी नायव महानिरीक्षक शैलेश थापा, येँ महानगपालिका शहरी योजना आयोगया सदस्य सचिव रोज बस्नेत, सुशासन विभागया प्रमुख हरिबहादुर कुँवर, सडक डिभिजन कार्यालय येँया सिनियर डिभिजन इञ्जिनियर रामबहादुर गुरुङ, साना ठूला सवारी एकान्तकुनाया उपसचिव बसन्त पन्थी, महानगरीय ट्राफिक प्रहरी महाशाखाया प्रहरी नायव उपरीक्षक कृष्णदत्त भट्ट, नगर प्रहरी महाशाखाया प्रमुख बिष्णु जोशीलिसें सहभागिता दुगु खः ।
Author Profile
Latest entries
बुखँ2018.12.10काठमाडौं महानगरपालिकाया प्रवक्ताय् १५ वडाध्यक्ष ईश्वरमान डंगोल
इतिहास2018.12.10पं. निष्ठानन्दया ललितविस्तरं हःगु नेपालभाषाया जागरण नापं समाजय् लाकूगु प्रभाव
इतिहास2018.12.10लुमन्ति – गद्य गुरु पं निष्ठानन्द बज्राचार्य (जन्म व मृत्यु छगू हे तिथि ने सं ९७८- १०५५ थिंलाथ्व चौथी)
अन्तर्राष्ट्रिय2018.12.10पुलांगु समलिंगी प्रवृतिया इतिहास
