टेलिभिजन पत्रकारिता तालिम सम्पन्न

 

११३८ दिल्ला गाः अष्टमी/येँ

झीगु संवाददाता 

श्री चक्रमान डंगोल स्मृति प्रतिस्ठान व नेवाः टेलिभिजया मंकाः ग्वसालय् टेलिभिजन पत्रकारिता तालिमया लिसें क्षमता अभिवृद्धि तालिम क्वचाःगु दु । उगु तालिमय् समाचार संकलन, समाचार सम्पादन र प्रस्तुति व दृश्य संयोजनया तालिम विइगु तातुनां उगु प्रशिक्षण कक्षा न्ह्याकुगु खः ।

किपाः रेखा शाक्य

१५ न्हूया थुगु तालिम क्वचाःगु लसताय् उगु तालिमय् सहभागी २० म्हसित व स्यनामिया भूमिका म्हितादिपिं सकसित नं दसिपौ म्हिगः छगू ज्याझ्वःया दथुइ दसिपौ लःल्हागु खः ।

श्री चक्रमान डंगोल स्मृति प्रतिस्ठानया न्हूच्छेमान डंगोलया नायःसुइ न्ह्यागु ज्याझ्वलय् मू पाहाँ पूर्व राज्यमन्त्री तीर्थराम डंगोलजुं छुं नं तालिम कायेगु धैगु उगु विषयस न्ह्याः वनेगु न्हापांगु लँपु खः । उकिं उगु तालिमया सदुपयोग यायेगु खःसा थःगु लक्ष्य कथं न्ह्यावनेमाःगु विचाः प्वंकादिल ।

किपाः रेखा शाक्य

अथेहे थःगु नुगः खँ तयेगु झ्वलय् नेवाः एच डी टि भीया नायः नविन जोशीजुं मुक्क‌ नेवाः टिभीया नामं नी स्वनागुया उद्देश्ययात न्ह्यथंसें नेवाःत गैह्र नेवाःत लिसें प्रतिस्पर्धात्मक पलाः न्ह्याकाः वनेमाःगु थौंया वर्तमान अवस्थाय् संचार ख्यलय् थज्यागु तालिमया आवश्यक जुगुलिं लिसें थःपिन्त माःगु जनशक्तियात थःपिन्सं हे तयार यायेगु तातुनां थुगु तालिमया ज्याया ग्वसाः ग्वयागु धयादिल ।
नेवाः मिडिया प्रा लिया नायः सन्त कुमार महर्जनजुं मदुम्ह चक्रमान डंगोलया विचाः व योगदानयात लुमंकुसें वय्कलं खंकादीगु म्हगसयात थःपिन्सं फूचाःथें पूवंकेगु विचालं थःलिसें अन्य मेपिं पासापिनिगु सहभागीताय् थुकथं संचारख्यलय् पलाः न्हयाकागु खँ लुमंकादिल ।

अथेहे  वरिष्ठ फोटोग्राफर व तालिमया प्रमुख प्रशिक्षक राजभाई सुवाल जोशीं हरेक दिन थःगु क्षमता अभिवृद्धि यायेगु दिं कथं कायेमाः थुकिं थःके दुगु प्रतिभाया प्रस्फुटन जुइगु खँ कनादिल ।

म्हिगःया समापन ज्याझ्वलय् विशेष पाहाँ लक्ष्मी डंगोल, नारायण परिवार क्लबया नायः प्रचण्डमान बज्राचार्य, जोशी समाजया अध्यक्ष राजाराम जोशी अथेहे उगु हे प्रतिष्ठानया सचिव सविनमान डंगोलया लिसें अन्य दुजःपिनिगु नं उपस्थिति दुगु खः ।

किपाः रेखा शाक्य

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.