” टिष्टा काँगडा नेपाल एकीकरण वीर योद्धाहरुको सम्झना र सम्मान ” प्रदर्शनी

११३८ गुँला थ्वः नवमी/येँ

झीगु सम्वाददाता

“जनतां ल्यया हःगु सरकार जुगुलिं जनताप्रति सरकार उत्तरदायी जुइमाः” – थ्व धापू प्रचण्ड दाहालजुया खः । वंगु शुक्रबाः नेपाल मण्डल पर्यटन नगरीया ग्वसालय् नेपाल आर्ट काउन्सिल बबरमहलया हलय् ” टिष्टा काँगडा नेपाल एकीकरण वीर योद्धाहरुको सम्झना र सम्मान ” नां बियाः न्ह्याःगु राष्ट्रिय चित्रकला प्रदर्शनीया उलेज्या याये धुंकाः नुगः खँ तयेगु झ्वलय् वय्कलं थ्व धापू प्वंकादीगु खः ।


अथेहे उगु हे ज्याझ्वलय् पाहाँ कथं झायादिम्ह शताब्दि पुरुष व संस्कृतिविद् सत्यमोहन जोशीजुं आः वइगु दिनय् जन आन्दोलनया चित्रत नं कलाकारं अार्ट याना प्रदर्शन छाय् यायेमफइ धकाः न्ह्यसः चिं तःसें उकथंया चित्रत स्वयेगु मनसुवाः प्वंकादिगु दु ।

१८ दँ न्ह्यः पिदंगु नेपाल मण्डल सम्पदा सफुतिं हःगु अवधारणायात पर्यटकिय प्रर्वद्धनया रुपय् न्ह्यःने यंकेत व‌ंगु २०७४ सालया चैत्र २४ गते नेपाल मण्डल पर्यटन नगरी पर्यटन उत्सवया थी थी ज्याझ्वः त मध्येय् ऐतिहासिक चन्द्रागिरी गढीइ टिष्टा सतजल काँगडा युद्धय् थःगु वीरता क्यना बलिदान ब्यूपिंनिगु लुमन्ति व सम्मान स्वरुप कला उत्सवया ग्वसाः ग्वःगु खः ।

उगु हे गढीइ मुक्कं ३० म्ह कलाकारपिन्सं अन हे पहाडया चकंगु थासय् च्वनाः थःगु कलाशीपया दसू क्यंसें क्यानभासय् थी थी विषय बस्तुयात कयाः आर्ट यानादीगु खः । अनं सिमधःगु थःगु उगु हे कलायात पूर्णता बिइ सिधय्काः वंगु शुक्रबाः उगु चित्रया प्रदर्शनी न्ह्याःगु खः ।

” आः मयाःसा गबले यायेगु, झीसँ मयासा सुना याइ, समृद्ध नेपाल झीगु नेपाल “ नारा बियाः नेपाल मण्डल पर्यटन नगरीया केन्द्रीय अध्यक्ष कृष्ण केसीं टिष्टा काँगडाया उगु उजाड पहाडयात हलिं न्यंकं प्रचार प्रसारयानाः उगु थाय्यात पर्यटन नगरी दयेकेगु लक्ष्य काःगु खः ।

निर्वाणा आर्ट ग्यलरीया प्रमुख तथा थुगु ज्याया व्यवस्थापक कलाकार बेखराम श्रेष्ठ बलामीं नेपाल एकिकरण यायेत योगदान बियादिपिं वीर गोर्खाली योद्धापिनिगु कलाया माध्यमं सम्मान यायेगु थःपिनिगु आज्जु जूगु खँ स्पष्ट यानादिल । नापं थुलिमछिं कलाकारयात छथासं मुंकाः एेतिहासिक लिसें मूर्त अमूर्त कला निमार्ण याःगुयात सम्बन्धित निकाय सरकारपाखें ध्यान बिया थुकियात न्यानाकयाः आर्थिक रुपं गुहाली बिइमाःगु माग यानादिल ।

” थ्व प्रदर्शनी बिशुद्ध नेपाली नुगःया भाव खः । नेपालयात अंग्रेजत पाखें बचय् यायेगु जक मखसें थःपिं उगु युद्धय् बुना नं वीर नेपाली धकाः हलिंन्यंक म्हसिका त्वतेत सफल जुपिं खः, उकिं थ्व केवल व हे वीर योद्धापिनिगु लुमन्ति व सम्मान यानागु खः थुकिइ राजनीतिया उदेश्य मखु”  धकाः व्यवस्थापक बलामिजुं थःगु नुगः खँ प्वंकादिल ।

उगु हे झ्वलय् प्रदर्शनीया न्हापांगु दिं कुन्हु १५ म्ह थी थी ख्यःया व्यक्तित्वपिन्त अभिनन्दन नं याःगु खः ।

वंगु भाद्र १ गतेनिसें न्ह्याःगु उगु प्रदर्शनी वइगु गते तकया नितिं सुथसिया १० बजेनिसें सनिलया ५ बजे तक सार्वजनिक रुपं स्वयादिफइगु व किपाः त न्यानादीफइगु जानकारी नं बियादीगु दु ।

किपाः संकलक बेखाराम बलामि श्रेष्ठ

One thought on “” टिष्टा काँगडा नेपाल एकीकरण वीर योद्धाहरुको सम्झना र सम्मान ” प्रदर्शनी

  • August 20, 2018 at 11:40 am
    Permalink

    धन्यवाद रेखा शाक्य । राष्ट्रिय गौरवको बिषयमा ५० कलाकार हरुले कलाकृति मार्फत इतिहासका वीर योद्धाहरुको सम्झना र सम्मान गर्न चाहेका छन् ।

    Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.