ज्वेल्स सहकारीया गुक्वःगु साधारण सभा क्वचाल

ने सं ११३९ कछला थ्वः दशमी यल ।

झीगु सम्वाददाता ।

ज्वेल्स बचत तथा ऋण सहकारी संस्था लिमिटेडया गुक्वःगु साधारण सभा नेफ्स्कुनया वरिष्ठ उपाध्यक्ष परितोष पौड्यालया मूपाहाँसुई म्हिग यलया अशोक हलय् क्वचाल ।

किपा शरण ज्यापु हरि

मूपाहाँ भाजु पौड्यालं उलेज्या यानादिगु उगु समारोहसं थःगु नुगःखँ तयेगु झ्वलय् सहकारीताया सिद्धान्त नाला सहकारीताया भावना विकास याना झीगु समाज अले देया आर्थिक स्थिति बल्लाकेफैगु खँ न्ह्यथना दिल ।संस्थाया नायः किरणभाई बज्राचार्यं लसकुस यासें प्रगति बिवरण न्ह्यब्वयेगु झ्वलय् सहकारी संस्थाया खँ सरकारं मन्यंगुलिं सहकारी संस्थातय्त न्ह्यज्याय्त थाकुयाच्वंगु दु धयादिल ।

किपा शरण ज्यापु हरि

अथेहें कोषाध्यक्ष प्रज्ञाराज शाक्यं आर्थिक प्रतिवेदन न्ह्यब्बयादीगु खःसा ज्याझ्वलय् जेष्ठ नागरीक हनेगु नापं बांलापि बचतकर्ता यात नं हने ज्या जुगु खः ।

किपा शरण ज्यापु हरि

उगु साधारण सभां न्हुगु कार्यसमितिया अध्यक्ष किरणभाई बज्राचार्य, उपाध्यक्ष बिपिन शाक्य, सचिब सुबिन बज्राचार्य, कोषाध्यक्ष प्रज्ञाराज शाक्य, सह सचिब संजय शाक्य, सह कोषाध्यक्ष तेज बहादुर बज्राचार्य व सदस्यपिं राजेश शाक्य, मोतीशान्ती शाक्य, मोतीमान शाक्य, राज्यलक्ष्मी बज्राचार्य, गिरेन्द्र शाक्य, हेराकाजी शाक्य व भिमरत्न शाक्ययात सर्वसम्मतिं ल्यःगु खः । नापं लेखा तथा सुपरिवेक्षण समितिइ ध्रुवकुमार कसःजुयात संयोजक व दिपेन्द्र राज बज्राचार्य नापं त्रिलोक राज शाक्ययात सदस्य कथं ल्यःगु खः ।

 

 

https://www.facebook.com/rajendra.manandhar.7906

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.