ज्यां ज्या स्यनाबि सा, खँ खँ स्यनाबि – नेवाः न्ह्यलुवा तीर्थराम डंगोल

ने सं ११३८ कौलागा द्वादशी, येँ ।

शरण ज्यापू हरि

जम्बुद्दिप मसानया मसान जिर्णोद्धार समितिया २९ क्वःगु दँ मूज्या नेवाः न्ह्यलुवा तीर्थराम डंगोलया मूँ पाहाँसुई थौं क्वचाःगु दु ।

मू पाहाँ डंगोलं थःगु खँ तयेगु झ्वलय् ” ज्यां ज्या स्यनाबि सा, खँ खँ स्यनाबि”   धासें मसान जिर्णोद्धार समितिं न्ह्याकुगु शब बाहन सेवायात कयाः थौंकन्हेया आधुनिक समाजय् समाजसेवा सितिकं यायेगु मखु थुकिइ छुं भचा ग्वाहाली कासें सेवा बिमा धयादिल । लिसें न्हूदँया लसताय् भिंतुना बिइगु झ्वलय् उँसाय् सुथां मलातकि वासः याये फय्मा, न्हि छछा नयेत सुहें द्यां मलाय्माः व छजू पुनेत गनं ल्हाः फये म्वालेमाः जिगु थ्वहे भिन्तुना धयादिल ।

किपाः शरण डंगाेल

नायः भाजु धनबहादुर महर्जनं थुगु दँय् शव वाहन न्ह्याकागु, लः त्वंकेगु थाय् यात बांलाकागु, म्वः ल्हुइगु थाय दयेकागु, जम्बुद्दिपया थःगु ज्याकुथिइ  मिटिङ्ग हलया निर्माण यानागु, सम्झना नर्सरी पाखें वःगु स्वां मांया बगैंचा दयेकेगु ज्या क्वचाःगु जुसां आः वइगु दँय् दाची अपाया ध्वाखा दयेकेगु, छचालि च्वंगु पखाः भिंकेगु व दुःख च्वनेत ट्रस दयेकेगु ग्वसाः दुगु खँ न्ह्यथनादिल ।

८१ गु थिथि गुथिया दुजःपिंस ब्वति काःगु थुगु ज्याझ्वलय् दुजः बुद्धि नारायण महर्जनं चाया भाजं न्यायेग तनावंगुयात च्यूता कासें २ गः सिजया भाजं नायःयात लःल्हागु खः ।

थुगु ज्याझ्वःलय् डा. अंजिरमान महर्जनं लसकुस यानादिगु खःसा भाजु सूर्य बज्राचर्यं समितिया वार्षिक प्रतिवेदन न्ह्यब्वगु खः । अथेहे भाजु अष्टनारायण महर्जनं आयव्यय विवरण प्रस्तुत यानादिगु खः ।

किपाः शरण डंगाेल

ज्याझ्वलय् सल्लाहकार भाजुपिं रामबहादुर महर्जन, गोविन्द महर्जन व प्रा. सुवर्ण शाक्यजुं थःथःगु नुगः खँ तयादिगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.