जैशिदेवल युथ क्लब २५ दँ क्यंन – न्हूगु भवन व रजत उत्सव स्मारिका उलेज्या

११३८ गुँला थ्वः चतुर्दशी/येँ

येँ महानगरपालिका वडा नं २१ जैशि देगः स्थित जैशिदेवल युथ क्लब स्थापनाया २५ दँ दुगु लसताय् रजत उत्सब थौं छगू ज्याझ्वःया दथुइ सम्पन्न जुल ।

किपा – शरण ज्यापु हरि

थौंया ज्याझ्वःया मू ज्या कथं सभासद् व पूर्व उपप्रधान मन्त्री श्री प्रकाश मान सिंहया मू पाहाँसुइ क्लबया नवनिर्मित भवनया समुद्घाटन तथा रजत उत्सव स्मारिका उलेज्या नं याःगु खः ।

किपा – शरण ज्यापु हरि

ज्याझ्वलय् मू पाहाँ प्रकाश मान सिंहया लिसें मेपिं पाहाँपिं का.म.पा.या  मेयर विद्यासुन्दर शाक्य, उपमेयर हरिप्रभा खड्गी श्रेष्ठ लगायतया वक्तापिन्स‌ भिंतुना न्वचु बियादिल । नापनापं क्लबया युवापिनिगु मेहनतया कदर यासें क्लबया उज्जवल भविष्यया भिं मनतुना दिल ।

किपा – शरण ज्यापु हरि

व‌ंगु २५ दँ न्ह्यः अर्थात २०५० साल भाद्र १० गतेया हे दिं निसें समाज सेवा यायेगु आजू ज्वना स्थानीय युवात जागरुक जुया
स्थापना याःगु थुगु क्लबं थौं तक निःशुल्क स्वास्थ्य शिविर संचालन, सरसफाई कार्यक्रम, नव प्रतिभाया कदर स्वरुप नृत्य प्रतियोगिता, चित्रकला प्रतियोगिता, खेलकूद प्रतियोगिता आदि ज्याया ग्वसाः तकं ग्वयाः सम्पन्न याये धुंकुगु दु ।

किपा – शरण ज्यापु हरि

परम्परा, संस्कृति व सम्पदायात म्वाका तयेगु नितिं एकचित्त बियाः थुगु क्लबपाखें धार्मिक जात्रापात्रा जुइगु इलय् न‌ं थःपिनिगु शिविर तयाः गुहालि याना वयाच्वंगु दुसा २०७२ सालया तःभुखाय पाखें क्षतिग्रस्त जुगु जैशिदेगःया द्यःगःया जिर्णोद्धार ज्याय् नं दत्तचित्त बिया ज्या यानावयाच्वंगु दु ।

किपा – शरण ज्यापु हरि
किपा – शरण ज्यापु हरि
किपा – शरण ज्यापु हरि
किपा – शरण ज्यापु हरि

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.