fbpx

जीवनराम श्रेष्ठं ताहाचलया चुली मय्जु अजिमा निमार्णया शिलान्यास

येँ (बछलाथ्व ८) – ताहाचलय् चुली मय्जु अजिमाया देगल परिसर दयेकीगु ज्याया शिलान्यास जुल ।

येँ महानागरपालिका वडा नं १३ स ताहाचलया थुगु अजिमा देगः व थुकिया जःखः बांलाकेगु ज्याया संघीय सांसद जीवनराम श्रेष्ठं शिलान्यास यात ।

थुगु देगः दयेकेत स्थानीय जनसमुदायपिं यकवः दँ न्ह्यःवं निसें सनाच्वंगु खः ।आः वयाः जनसमुदाय माग कथं श्रेष्ठं चुली मय्जु अजिमा दयेकेगु नितिं स्थानीय पूर्वाधार विकास साझेदारी ज्याझ्वः दुने २५ लाख तका बजेट फ्याना ब्यूगु दु ।

This slideshow requires JavaScript.

थुगु बजेटपाखें नेपाःया संस्कृति व देगः संरक्षण जुइगु व स्थानीय जनसमुदाय व लँजुवापिंन्त नं थन दयेकीगु पार्कपाखें लवः कायेफइ ।

उगु ज्याझ्वलय् प्रदेश सांसद राजेश शाक्य, जिल्ला समन्वय समितिया प्रमुख शिवसुन्दर राज बैद्य, येँ महानगरपालिका वडा नं १३ या वडाध्यक्ष ध्रुव नारायण मानन्धर, सदस्यपिं, चुली मय्जु अजिमा देवी मन्दिर निर्माण संरक्षण उपभोक्ता समितिया संयोजक संयोजक राजेन्द्र महर्जन व स्थानीय जनसमुदायपिनिगु उपस्थिती दुगु बुखँ दु ।

Leave a Reply

Your email address will not be published. Required fields are marked *