जीवनया निंतिं स्वस्थ सेक्स

https://www.facebook.com/rajendra.manandhar.7906

‘सेक्सुलिटि’ शारीरिक व मानसिक प्रतिक्रियाया छगू जटिल मिश्रण खः । यौन सम्बन्ध नाप ज्वःलाःगु समस्याया समाधान निंतिं चिकित्सकतय् हे सल्लाह काये मालेफु । चिकित्सकीय कारणं सेक्सुयल डिस्फक्शन दुगु खःसा थुकीया बारे डाक्टरं जक धाये फइ । तर थःगु ‘सेक्सलाइफ’यात बांलाकेगु वा सेक्स उर्जा अप्वयेकेगु खःसा थन न्ह्यथनागु छुं छुं टिप्सपाखें लबः कायेफइ ।

नियमित व्यायाम याये

स्वस्थ ‘सेक्सलाइफ’य् व्यायामया तःधंगु भूमिका दु । व्यायाम याइपिं मनूतय्गु म्ह छम्हं रक्त प्रवाह बांलाक जुइ, गुकिं याना सेक्स क्षमता अप्वयेकी । ‘सेक्सलाइफ’ बांलाकेत स्वस्थ शरीर अति आवश्यक दु, उकिं नियमित व्यायाम नापं सन्तुलित आहार व पर्याप्त आराम नं उलि हे आवश्यकता दु । योग, व्यायाम थेंज्याःगु ज्यां छिगु मुड, कामेच्छा व पर्सन्यालिटी बांलाकी ।

अय्लाः त्वनेगु कम यायेगु

लासाय् वने न्ह्यः रिलाय्क्स जुइत भतिचा अय्लाः वा वियर त्वनेगु याइ, तर अप्वः त्वन धाःसा छिगु सेक्स क्षमता म्हो जुइयः । अल्कोहलं छिगु हार्मोनयात प्रभावित याइ नापं सेक्सया इच्छा नं म्हो यानाबी । न्हिंन्हिं अयला वा बियर त्वनेगु यानादियासा माक्वःछि जक त्वनादिसँ, थुकिं छिगु सेक्स क्षमता अप्वयेकी ।

सेक्सया इलय् न्ह्यइपुगु खँ ल्हायेगु

जीवनशैलीइ चिधंगु हिउपाः व छुं स्वस्थ संवादं सेक्सय् ताःहाकःगु लँ पार याये फइ । स्वस्थ सेक्स जीवनय् न्ह्यइपुका च्वनेत थः पासानाप थ्व खँया चर्चा यायेमाः कि छि गबलय् व गुलि ताहाकः सेक्स याये चाहे जू । सेक्सय् भचा सम्झौतां न्ह्याब्लें न्ह्यइपुगु सेक्सय् ग्वाहाली बी ।

सेक्सया इलय् सहज जुइ

सेक्सया इलय् थःगु मनय् छुं नं कथंया विद्रोही भावना मवयेकेगु । छुं नं कथंया विद्रोह भावना छि थःगु कामेच्छालिसे याउँक च्वने फइमखु । सेक्सया इलय् थः पासालिसे सहज जुयाः च्वनादिसँ अले वयात पूवंक स्वतन्त्र कथं स्वीकार यानादिसँ ।

तनावं बचे जुइ

छि न्ह्याब्लें तनावय् च्वनादिल धाःसा थुकिं द्यनेगुली जक मखु सेक्सजीवन नं लिच्वः लाकी । तनावं छिगु सेक्स इच्छायात मेखे ध्ययेचुइकाबीफु । उकिं तनावपाखें बचे जुयाच्वनादीगु तसकं बांलाइ ।

किचन निसें बेडरुम तक

छु चिज छिगु नुगःचुयात बांलाइ, व छिगु ‘सेक्सलाइफ’या निंतिं नं बांलाइ । यक्व ‘साचुरेटेड फ्याटं’ रक्तसंचार अवरोध याइ । थुकिं ‘सेक्सुयल परफर्म’ क्षमता जक म्हो याइ मखुकि सेक्सय् आनन्द कायेगुली नं प्रभावित याइ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.