जनबाःद्यः व बुंगद्यःयाःया बारे च्वसू कासा क्वचाल

११३८ अनलाथ्व पंचमी/येँ

नेवाः बस्ती नेवाः स्कूल अभियानया ग्वसालय् जनबाःद्यः व बुंगद्यःया याःया बारे च्वसू कासा शनिवाः मोर्डन नेवाः इंगलिस स्कूलय् क्वचाःगु दु ।

किपाः दिपक तुलाधरया फेसबुक पाखें

नेवाः बस्ती नेवाः स्कूल अभियानया कजिं दिपक तुलाधरया नायःसुइ मूपाहाँ कथं मिस नेवाः आइकन दिया श्रेष्ठ झायादीगु ज्याझ्वलय् थीथी ब्वनेकुथिया मुक्कं झिंखुम्ह विद्यार्थीपिं इशिका महर्जन थेच्व नेवाः ई. स्कूल, उध्यान शाह, सामना महर्जन भास्सरा स्कूल, तृष्णा महर्जन, दीपा गदाइली, प्रिया शाही, मिनल शाही, सनिशा थापामगर जगतसुन्दर ब्वनेकुथि,नस्वाः जोशी पाठशाला नेपाल, विपश्यना बज्राचार्य डल्लु आ. मा. बि., मतिना तुलाधर सेन्टमेरिज स्कुल, रोभास्का बजिमय आइडल मोडल हाइयर सेकेन्डरी स्कूल, लुभा महर्जन मैत्री स्कूल, सचेतना मानन्धर ज्ञानकुञ्ज स्कूल, सुकीति कंसाकार जेम्स स्कूल, श्लेष्मा बाबा बज्राचार्य शांकरी स्कूलमध्ये न्हाप श्लेष्मा बाबा बज्राचार्य, ल्यू नस्वाः जोशी व लियांल्यू सनिशा थापामगर लाःगु दुसा इसिका महर्जन, सामना महर्जन, सचेतना मानन्धर व लुभा महर्जनपिन्त हःपा सिरपाः लाःगु दु ।

सिरपाः न्हाप लाःम्हेसित ७ द्वः तका, ल्यू लाम्हेसित ५ द्वः तका, लियांल्यू लाम्हेसित ३ द्वः तका व हःपा सिरपाःकथं म्हति द्वःछि तका दां व दसिपौ मूपाहाँ श्रेष्ठं लःल्हानादीगु खः । अथेहे कासाय् ब्वति काःपिं सकसितनं हःपाः कथं दसिपौ व दां मूपाहाँ श्रेष्ठं लःल्हानादीगु दु ।

किपाः दिपक तुलाधरया फेसबुक पाखें

थुगु कासाया ल्यज्या कमिटीइ उदेन न्हू साय्मि, संस्कृति शाही व दर्शनवीर शाक्य च्वना दीगु खः ।

किपाः दिपक तुलाधरया फेसबुक पाखें

नेपालभाषा स्यनामि रमिता बज्राचार्यं न्ह्याकादीगु ज्याझ्वलय् ल्यज्या कमितिया उदेन न्हू साय्मि व दर्शनवीर शाक्य, नेवाः स्यनामि नेपाल मण्डलया नायः काय बहादुर नेपाली, नेवाः किन्दर गार्देनया राजेन्द्र महर्जन, नेवाः सचेतना दबूया राजाराम धौबदेल, टोखा ग्वाहालि पुचःया नायः श्रीकृष्ण मानन्धर, मोडर्न नेवाः स्कूलया यशोदा पाण्डे, गैर नेवाः स्कूलया रश्मी नापित, आदर्श उच्च मा.बि. थिमिया विद्या चित्रकार, नविन थेच्वःमि , शांकरी स्कूलया सोनी श्रेष्ठ, देवदास मानन्धर व मू पाहाँ श्रेष्ठपिन्सं नेपालभाषाय् वया च्वंगु थीथी पंगःया बारे नुगः खँ तयादीगु खः ।

किपाः अमीर मैंया रञ्जित

 

बुखँः अमिर मैया रञ्जित

Share this...
Share on Facebook
Facebook
Tweet about this on Twitter
Twitter

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.