जनप्रभात मा बिं याकनं हे स्नातक तगिं सञ्चालन याइगु ।

११३८ बछलाथ्व दशमी/येँ

झीगु संवाददाता

म्हिगः जनप्रभात माध्यामिक बिद्यालय्या ६८ क्वःगु बुन्हि छगू ज्याझ्वः यासें हन । येँ महानगरपालिकाया मेयर बिद्यासुन्दर शाक्यया मू पाँहासुइ न्ह्यागु उगु ज्याझ्वलय् न्ववायेगु झ्वलय् मस्तय्त बांलागु लकसय् बांलापिं योग्यतादुपिं स्यनामिपिन्सं बांलागु शिक्षा बिल धाःसा भविष्यया कर्णधारजुइपिं मस्तय्गु भविष्य बांलाइगु खँ धयादिल । उकिया नितिं सकलसिनं थःथःगु जिम्मेदारी व कर्तब्ययात पालना यायेमाःगु खँ धयादिसें  उकिया नितिं थःपिं सदां नापं न्ह्यज्यायेत तयार दुगु नं धयादिल ।

 

ज्याझ्वलय् ब्वनेकुथिया ज्या सना कवःया नायः राम शरण डङ्गोलजुं ब्वनेकुथिया बारे न्वनानादिसें याकनं हे आः १० कक्षा तक जक दुगु ब्वनेकुथिइ न्यादँया दुने स्नातक तगिं ब्वंकेगु नितिं ज्याखँ न्ह्याकाच्वनागु खँ कनादिल ।

ज्याझ्वःया झ्वलय् मेयर भाजुं ८ लाखया लागतय् तयार जूगु आईसिटी ल्याबया नं उलेज्या यानादिगु खः । उगु ज्याझ्वलय वडा सदस्य राम बाबु कोइराला पाखें थःगु मन्तब्य तयादिलसा ब्वनेकुथिया प्रधानाध्यापक सत्येन्द्र लाल कर्णं ब्वनेकुथिया प्रगति विवरण न्ह्यब्वया दिगु खः । ज्याझ्वलय् ब्वनेकुथिया मस्तय्सं सांस्कृतिक नृत्य नं न्ह्यब्वःगु खः ।

बुखँ व किपा राम शरण डंगाेल

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.